ادعوا لي انه الله يكفيني شر ام زوجي واهله راح اقول لكن موقفي يلي ابكاني دم وليس دموع انه اتصلت من شقتي على ناس تخطب بنتهم جدامي وتقول ليهم انه نبي نخطب بنتكن لولدي لانه زوجته ماتنجب اطفال هذا جنبي ماراعت مشاعري


والموقف الاخر انه بنتها راحت تخطب لزوجي صديقتها وانا مادري وانا تفاجئت رايحه معزومه عند ناس من عائلتي وعلموني السالفه فبكيت من قلبي وقلت ياربي زوجي لي ولا لوحده ثانيهوالان مقهورين يقولون ليه ولدنا ماتزوج عليها ادعوا لي انه ربي يرزقني واياكن الذريه السليمه والصالحه وانه ازواجكن تكون ليكن وليس لغيركن

الله يفرج همومنا هو وحده قادر أن يبدل أحزاننا إلى سعاده المواقف والنغزات اللي نحصلها من الناس كثيره أحيان بقصد وأحيان إحنا نكبر المواضيع لانا من الداخل بننفجر أكيــــــــــــــد اللي مثل وضعنا يكره الجمعات والمناسبات إذا مو الكل فأنا أتكلم عن نفسي لأنه الحريم إش عندها شغله غير فلانه حملت وإفلانه تتوحم وأولادنا طفشونا إذا فتحت فمك بحاجه قالوووووو إنت شعندك يعني مدام إنت ماعندك أطفال فكييد إنك فاضيه وماعندك شيء في الحياه هذا مفهومهم بس حسبي الله ونعم الوكيل

انا يا خواتي الحمدالله كل شهر اتخيل اني الحمدالله وتنزل واحمد ربي بس والله العظيم اني اعاني من اهل زوجي والله من ثاني اسبوع تكلمو فيني وام زوجي كانت تقول ان شالله ماتحمل الاحين تدرون ليش لان بنتها اكبرمني انخطبت وفسخت خطوتها هي موظفه ورتبها اعلى من خطيبها وسيارته معجبتها علشان كذا كانت ماتبيها طبعا قبل ماعرس وبعد ماعرست كنت تشوف نفسها علي والله ان انا كافيه خيري وشري عنهم مالي دخل ابد فيهم يدعون علي ماقول لهم شي والله احيان اسمع باذني ماتكلم.ونحطبت الاخت وشافت نفسها زود تخيلو يا خواتي ان طلع له مكان دبله جرح وقالت من عيني والله اني دبلنها معجبيتي ماتكلمت.عندي خالتي ما شالله تبارك الرحمن حملت باليله زوجها توقعو ام زوجي شنو قالت ليتنا خذينا خالتها والله بنتها ثانيه قالت مكينته شغاله الغطته لا حول والا قوه الا بالله /.بنااااااااااااااااااااااااااااااات الاحين بنتها حااااااااااااااااااااااااااااااااااااااااااامل ايه تزوجت لها شهرين وحملت موجوده عند اهلها لان عندهانزيف والله ماتشمت فيها لا والله بس ليه تكلمو فيني ودعو علي ماحمل وانا لي سنه وشهرين متزوجه والحمد الله.ربي يباخذ حقي مارح ينساني .استغفر الله واتوب اليه

لا حول ولا قوه الا بالله

كلنا بالهواء سوا انا اخر مره بكيت امس لمن جتني الدوره انصدمت على بالي حامل

ولا ادري وش علتي؟؟؟؟؟؟؟

مع اني ما احب هالنووع من المواضيع اللي تطلع الآه من بين الاضلع مصحوبه بحراره وحرقه بعد لانه كل وحده فيكم تذكر قصه
اقول زيي ولمن اقرأموقف ثاني اقول زيي يعني مواقفنا تقريبا متشابهه

بس انا اذكر من يوم تزوجت موقف او يوم بكيت من كل قلبي كان ثبل يمكن اربع واو خمس شهور لمن خرجت من الغرفه اللي سويت فيهاا أشعة الصبغه
طبعاا نزلت اساسا وانا فيني بكى لاني تكشفت بطريقه اول مره تصير معاي استحيت يابنات مره .....يعني انسدح واضاءه وتتفرج وتعقم ومدري وش تدخل حسيت انه الدنيا اسودت بوجههي .........عضيت على لساني وسكت وكتمت عبرتي عشان زوجي كان برا ولا ابغى اقوله ..........ورحنا للدكتوره وانا اساسا مخنوقه
وانفجع تقولي رحمك ذو القرنين وانا اول مره اسمع هالاسم ......قلت كيف؟؟ رسمت لي هوه ....وشوي تقول محنا متاكدين يمكن فيه لحميه واذا طلع لحميه ما راح يتم الحمل ولا زم عمليه قتلها طيب ليش ما قتيلي من اول قبل المنشطات والابر والقت والنفسيه
يعني ممكن تكون فيه لحميه مانعه الحمل وانا افحط سنتين ونص منشطات الين جاني اكياس
طبعاا طلع ذو القرنين .....بس ذا اليوم ما استنيت لمن ارجع البيت وينام زوجي عشان ابكي
من اول ما خرجت من غرفة الدكتوره وانا اربط نقابي وانا خمرته بالدموع واو ل ما دخلت السياره قالي زوجي ليش ساكته عادي ومدري وش كان يقول ....انفجرت بكى بصووووووووووووووووووووووووووت وهو ساكت ويناولني مناديل خلاني الين سكت
وهوه ساكت وروحنا بالبيت مدري كان هوه متفاجئ ومو عارف كيف يصبرني دخلت البيت لقيت شكلي يفجع عيوين حمرا ومورمه
واللي زاد الطين بله تدق ام زوجي .........وتتليقف وين كنتو دقينا عليكم ما رديتو ....قتلها كنا نجيب اغراض للبيت ....قالت اشبك مزكمه قلت ايوه ............سكتت حسبت انه متخاصمين انا وزوجي
لانه انا لمن ازعل مع زوجي ابكي الين يبان علي اني مريضه ومزكمه ............واهلي ماهم عندي يعني مالي غير دموعي
يارب لك الحمد والشكر على كل حااااااااااال