اخر اخباري ، انا صاحبة بشو بتنصحوني؟؟ بدي اكبر عدد من العضوات يشوفوا موضوعي

السلام عليكم و رحمة الله و بركاته

اسفة لاني طولت عليكن بس انشغلت شوي

الحمد لله القصة انحلت ، طبعا انا حكيت لامي شو صار و هو حكى لعمتي و عمتي حكيت معي و سالتني ليش متزاعلين و قلتلها الاسباب فقالتلي انو بتعرفي الظروف يلي مرق فيها فانت لازم تنسي هالظروف (قصدها عالدراسة) و قالتلي انا معك و امبارح عيطت عليه بس انت لازم تحكي معو و تتفاهمو لانو مقهور لانو سكرتي بوجهو و لا تجيبي سيرة اني حكيتك و ع فكرة خطيبك كتير بيحبك. المهم قلتلها انت غالية و ما بيصير الا يلي بيرضيك.

اتصلت عليه و رد علي عادي ولا كانو في شي و حكينا و تصالحنا و قلي اسف اني كنت معك هيك بهالفترة بس والله لانو رسبت و تاخر مشروع زواجنا و انا بدي اياك باقرب وقت و انا ماني ضد انك تدرسي جامعة بالعكس ادرسي بس مو ٥ سنين صيدلة لانو تيك كتير و بصراحة ما فيني و اذا هيك بترك . المهم اتفقنا انو ادرس مساعدة صيدلانية لانو ٣ سنين و هلا رجع لعقلو خطيبي.

صحيح انو كنت حازمة بقرار الانفصال بس متل ما وضحت بالموضوع يلي قبل اني بحبو كتير من هيك رجعتلو بعد ما اعتذر و فتحنا صفحة جديدة لانو تخيلت كيف راح اعيش بدونو او حتى لو تقدم حدا تاني ما راح اقدر اكمل معاه لانو بتذكر خطيبي الحالي . و بما انو وضحلي السبب و اعتذر فسامحتو لانو غالي

هي الاحداث يلي صارت و نسيت قلكن ع نقطة انو عمتي و زوجها (عمي) شاكين انو في عين بالموضوع لانو خطيبي ما عاد فينو يسمع القران مع انو ما كان هيك و من فترة حتى انا صرت ما اتحمل اسمع القران و صايرة مشاكل كتيرة و كنت شوف منامات بشعة و اخر واحد كان عن عنكبوت و لما فسرتو طلع تفسيرو :

والعنكبوت يدل على المرأة الساحرة، أو على معرفة النسج والحياكة.ومجمل الرؤيا ان هناك نساء يحاولن التربص بك من اصدقائك فاحذري والله منجيك منهن فاكثري من الذكر وقراءة المعوذتين والله اعلم.

لذلك نصيحة مني لكل بنت مقدمة عالزواج من الافضل ما تعلني الخطبة :09:
لانو العين حق و الناس حسودة ما بتتمنى الخير لحدا

و بشكر اخواتي يلي ردوا علي بموضوعي الاول و وقفوا معي