اخر اسبوعين قبل الدورة ..........دمار للنفسية

بنات انا كل شهر احس اني اتدهور

الاسبوعين اللي قبل الدورة تقتلني يسيطر علي تفكير الحمل بشكل هستيري

حتى صلاتي ماعاد ادري وش اقول فيها

الناس يكلموني ما ادري وش يقولون

واذا جت الدورة اتحطم مرة واكتئب بس ما ابين لاحد

اي احد اقولة يهاوشني ويقول احمدي ربك

والله احمد ربي واشكرة كل وقت بس ما احس احد فاهمني اللي يده بالمويه مو زي اللي يده بالنار

سهل الكلام والقول للناس اصبروا بس الفعل صعب الله يكتبنا من الصابرين الشاكرين

ابي حل تكفون للاسبوعين اللي قبل الدورة سبحان الله الامل عندي يتضاعف بشكل غريب وخلاص اصدق اني حامل بعدين .............لاتعليق

اليوم نزلت الدورة ..............مابكيت ولا تسخطت ولا شكيت بس حسيت بعصرة في قلبي زي السكين انطعن جواته

ساعدوني الله يرزقكم ابي اعيش حياتي ليش احس بالنقص ليش احس الناس يناظروني

وشلون انسى تكفون اللي عندها طريقة او حل تساعدني اشيل التفكير من بالي

مع اني سليمة وزوجي سليم

لكن الامل بالله كبير يفرج همي وكربي واخواتي الغاليات في هذا المنتدى