يا اختي كل الي صار قسمه ونصيب والاخوات ما شاء الله كثير منهم ردودهم جدا جميله
بس ابقولج اذا هاذا حله وياج من ايام الخطوبه
فكيف بعد سنه ولا سنتين
والحمد لله انه ما جبتي عيال منه هاذا افضل لانه لو صار كان حالتك حاله الحين بس الحمد لله على كل حال
وبالنسبه لكونج مطلقه الحين الناس مو مثل اول ولو كان انتي لا تفكرين بالناس ودمرين روحج لا غلط
اهم شي ثقتج بنفسج ولا تراقبين الناس اتجاهليهم افضل
وبعدين يمكن انتي شذي تتركين فرصه لنفسج انج تعيشين حياه افضل ماحد عارف
اذا اتذكرتيه وحنيتي له قولي اللهم اجرني في مصيبتي واخلف لي خيرا منها والله قادر يعوضج بالي احسن منه
ترا بعدج صغيره بعدين انا معاج الواحد ما يقدر ينسى شخص شافه كم مره فاشلون واحد عايشه معه مثل هالفتره
بعدين انا اقولج لا تفكرين ترجعيله لان الي صار بينكم ما اضن ينساه ولا اهله والاهل اذا ازعلو تصير مسالة رضاهم معضله مو بهينه والعلاقه تكون بينكم متوتره
الله يصبرج ويهون امرج ويرسلج الي احسن منه في كل شي
الصفحة الأخيرة
تدرين احنا البنات شنو مشكلتنا .... مشكلتنا انه نقول عكس الي نبي ..
يعني لما انقول حق الريال آنا ما أحبك ما أحبك ... يعني آنا أحبك آنا أحبك
ولما نقول طلقني ...... يعني لا تطلقني
المهم انتي الحين لاتتحسفين لانج يوم طلبتي الطلاق حكمتي عقلج و يوم دقيتي عليه مشيتي ورا قلبج .... يامعوده حقريه .... ولا تتذكرين الايام الحلوة تذكري الايام المرة .....
تبين الصراحة لا تعورين راسج بواحد ما يدري عن هوا دارج و لا فارقه معاه
الله يسرلج أمورج و يشرح صدرج
و صدقيني فترة و بالتعدي ..
اعتقد انج شبعتي ظلم .... كافي رحمي نفسج ....
و الله باط جبدي شفتي شلون خلاص شالج من باله و ما يبي يرجعلج
علعموم انتي ما خسرتيه اهو الي خسرج
تكفين وين بلاقي وحدة تتحمله ....
حسبي الله عليه دنيا و آخره