اخر التطورات اللي صارت معايا واسفة اذا اتاخرت

السلام عليكم اخواتي وحبيباتي حبيت اعطيكم اخر االتطورات اللي حصلت معايا لاني لاحظت اهتمامكم جزاكم الله خير

انا كنت بأرد اول باول في نفس الموضوع لكن لاححظت مو الكل بيقرا ردودي فقلت افتح موضوع جديد احسن عشان الكل يقرا

طبعا انتو عارفين اخر شي صار معايا انه الدكتورة طلبت تحليل هرموني رقمي عشان شكت في حمل خارح الرحم لانه الحمل عمره 6اسابيع ومابان شي بالسونار

وجلست على اعصابي استنى النتيجة تطلع
المهم اتصلت عالدكتورة وقالتلي طلعت النتيجة 1500 وحدة ولازم تجي دحين المستشفى طبعا انا فرحت والحمدلله لكن في نفس الوقت زاد خوفي من انه يكون خارج الرحم عشان كدا طلبت اجي

رحت وقالتلي نفس الكلام وانه لازم نعمل سونار مهبلي وتشوف مكان الكيس فين
انا كنت صراحة مرررررررررررررة خااااااااااايفة ماابغى يكون برا الرحم مابغى عملية ما ابغى شي خلاص مرررررررة تعبت

جات استشارية اشعة وقالت احتمال كبير خارج الرحم وانا وقتها اررررجف من جوا وعملت سونار مهبلي وقعدت تدور وتدور قنوات فالوب الاتنين والمبايض والعنق كله الحمدلله سليييييييييييم مافي اي كيس وقتها الحمدلله حسيت براااااااااااااحة انه مافي شي برا الحمدلله ياااااااارب

قالت لازم نعيد عالبطن عشان يمكن يبان شربت موية وعملت وبرضه ماااااااااااااافي كيس المهم قالت لازم متابعة تحليل رقمي مع سونار يمكن يكون حمل ضعيف عشان كدا مابان

صراحة يابنات دكتورتي كانت جدا انسااااااانة معايا وكانت متعاونة واعطتني رقم جوالها اتصل عليها السبت لانه عملوخ تحليل رقمي تاني والسبت تطلع النتيجة ومنها يشوفو هل الحمل سليم اوممكن يسقط

وعرضتني على استشاري الله يسعدو دنياواخرة مرررررررررة طمني وقاللي ابدا لاتخافي ولاتشيلي هم انتي حملك طبيعي ****لله وحتشوفي الكيس بعداسبوع او اكتر ولاتقلقي من التحليل الرقمي وقعد يطمن فيا وقاللي الحمدلله انتي ماعندك اعراض الحمل خارج الرحم

بس نتابعك وربنا يكتب الي فيه الخير

ودا كل اللي صار الحمدلله احس برااااااااحة وفي انتظار يوم السبت يبين هل الحمل حيستمر اولا والله يقدرلي اللي فيه الخير ياااااااااااااارب

اسفة طولت بس حبيت اقولكم