اخر اللى صار في مو ضوع المشهد المرعب اللى اشوفه من شباكي

يابنات اسفه اسفه على التاخير راح احكيكم اللى صار زوجي راح اليوم الصباح للمكتب المسئول عن العماره وشرح الموضوع كله ووضع الولد والرجال ماقصر جا بعد الظهر بس تخيلوا مااحنا عارفين اي شقه اللى يصير فيها كده لان العماره لاقه وتصميمها غريب وشاكين بشقتين جنب بعض اول واحده فيها باكستاني زي ماقالوا فعلا الجيران والثانيه وفااااااااااااااااااااااااااااااااااااااضيه والرجال المسؤل عن العماره مصدوم يقول اذا اتضح انه الباكستاني راح يسجنه المهم هو وزوجي دقوا على الباكستاني مايفتح ولا في صوت في الشقه زي امس لما لمازوجي دق عليه ومااحد رد ولا فتح الباب الرجال كلم ولد عمه ضابط في الشرطه قال له مانقدر نكسر الباب لمجرد الشك لازم نتاكد حتى الرجال اللى من المكتب خايف يقول مو معقوله الباكستاني شكل مسكين بس انا صار عندي شك 90% انه هو ووصفي للشقه صح المهم الضابط قال بكره لازم يشوفو من شباكي اي شقه بالضبط وبعدها نبدا نتحرك والمفروض را ييجوا بكره الصباح عندي في شقتي وطبعا الولد ماشفته بس الغريب انهم من امس مشغلين النور مبين من الشباك يارب يارب اكون ماقصرت واكون اتصرفت صح وياليت البنات اللى اتحاملوا عليا وصاروا يقولوا انت مافي فقلبك رحمه انت بارده انت ماتحسي لا يظلموني انا صار لي 3 ايام ماانا م غير ساعتين واقوم ومابطلت المسكنات من الصداع بس هو الكلام مافي اسهل منه وفي بعض البنات اتعاملوا معايا على اني في الكون لحالي اتصرف زي ماابغى انا متزوجه وعندي بيت واطفال ومايصير اتصرف من راسي وهدا زوجي الله يسعدوا ماقصر بس دعواتكم ربي يهون على الولد من اليوم الين بكره لان الضابط وعد زوجي ورجال المكتب انهم يخرجوا الطفل بكره بامر الله