ماشا الله عليك

برآآآآآآفو عليكّ ..
آستمررررررري ..

الله يعطيك العافية ويوفقك .

ما شاء الله تبارك الله

ياحياتي انتي الله يسعدك ايوة هذي ست البيت واصلي وشدي حيلك اكثر خلي ريحة البيت زي المستشفيات ريحتها ديتول وكلور وبخري وحطي فواحه واكشخي لزوجك لما يجي من الدوام واستقبليه باحلا ريحه وحطي غداك وقومي بكامل واجباتك لانو عارفين نقطة ضعفنا الرجال انو الحرمه تنقهر وتموت اذا زوجها راح يتزوج عليها اذا ماهتمينا في لبسهم واكلهم واهم شي غرفة النوم لانو مسكين يكرف في العمل يبغا يرجع يلاقي هدوء ريحه حلوة نظافه حلوة
وانا قاريه موضوعك الاول وانا عارفه بعد ماتقرين ردود البنات الي تفتح النفس واقول ذي بتقفل الجهاز وبتمسك البيت من الاول للاخير وذا الي حصل مرة فرحت عشان كذا دحين رديت عليكي ^_^ ولك الاجر على مسامحة البنات الله يهديهم واشتري غسالة الصحون تريحك كثير وغسالة الملابس الاتوماتيك اذا الامكانيه تسمح اذا خرجتي السوبرماركت شوفي منتجات التنظيف اشتري فواحة بكثرة وخليكي واثقه من نفسك اذا دخلو حريم اخوان زوجك واهله واهلك واثقه بيتك يلق من النظافه وترفعين راس زوجك لما يكلمونه اهله والله بيتك ماشاءلله نظافه وريحه يلق ولانقطة غبار ولاشي وتذكري انو الشياطين والجن تتجمع في المكان الوسخ ياختي ولاتستغربين اذا كنتي لوحدك وسمعتي صوت شي طاح لانو لازم شي يطيح لوحده وانتي بعيده فعرفي انو ذا بسم الله وانتي عارفه انها تحب المكان الوسخ فانتي بدايتك حلوة جدا ولاتقولين انا سخه بالعكس انتي نظيفه وبشهادة الي ردو عليكي لانك طالبه احد يعلمكي بس كيف تبدين تمسكين اول شغله في البيت واصلا بس تمسكي تنظفي غرفه تلاقين نفسك ماسكه الي بعدها مواعينك اول باول زوجك شرب كاسة عصير بالعافيه حبيبي خذي الكاسه وانتي بالمطبخ مسحه بالسفنجه شطفه بالمويه ورجعيها مكانها الزباله بنفس اليوم خرجيها حتى لو ماتعبت كثير بس اذا تعبت اشياء تحسي بتطلع ريحه خرجيها اما اذا اشياء تراب ورق خليها تتعبا وبعدين ارميها ولاتخلينها لاكثر من يوم الله يسعدك ويقويكي ياحبيبتي والله كله بأجر ولك الاجر ياعيوني انتي من جد انبسط لك الله يشفيكي ويرزق الذريه الصالحه يارب