اخر تطورات مشكلة بنتي ......

السلام عليكم ورحمة الله وبركاته
حبيباتي داخله اعطيكم اخر تطورات بنتي مع زوجها حسبي الله عليه واخذ مشورتكم وللي ماتعرف قصتها القصه في هالرابط

http://forum.hawaaworld.com/showthread.php?t=3730859

الحين قربت بنتي تكمل الشهرين عندي طبعاً راح وقدم زوجها شكوى للمحكمه وموعدنا بعد اسبوع كاتب فيها انا مسكنا بنتنا بدون سبب وانها تملك منزل شرعي وخرجت بدون سبب وهو يطالب بحضانة ابنه
وطبعاً غيرنا جوالاتنا كلنا من كثر التهديد والشتايم وجابو ارقامنا الجديده بعد وماقصرو فيها من كل شي يخطر على بالكم حسبي الله على الظالم اسأل الله ان ينصر بنتي يارب ويخزيهم عديمين الذمه
الحين يابنات ماادري مرتبكه وخايفه عليها بنتي خوافه زي ماذكرت لكم قبل وانا من كثر ماسمعت عن المحاكم وربي قلبي قارصني وتبغوون الصدق الحين حنا نبي الخلاص منهم ياليت يفكها ويطلقها لان اللي مثله مايشرف عايله تزوجه بنت من بناتها بس ماادري كيف اخليها تتكلم لو قالت للشيخ طلقني بيقول رديله المهر واصلاً مهرها 50وذهبها ب25باعه هو وجحده وش الدبره يابنات احنا مانحب اللف والدوران ولاابي حقها بنفس الوقت يضيع والشغله الثانيه هو خلاص بايعها مرسل لها قبل فتره رساله انا ماعد ابغااااك بس يبيها تتمرمط بالمحاكم وامه ماخلت بيت من بيوت الجماعه الا وتشكت وتقول يجيبون ال50وحنا نطلقها حسبي الله على كل ظالم والشي الثاني لو جحد بيع الذهب لان ذمته واسعه يسويها انا قلت لابنتي تدلين وين باعه نطلع فواتير من المحل تثبت بيعه لانه اكيد لما يجي احد يبيع ياخذون رقم هويته ولالا
شوركم بنات ودعواتكم لنا .....