اخر تطورات موضوعي قراري صح او اتنازل وارجع لزوجي

السلام عليكم
اشكر كل من سأل عني ويبي يطمئن علي وعذروني تأخرت عليكم في الرد كنت تعبانه
ابي ارد وشفت موضوعي تغفل وفتحت موضوع ثاني عشان اقول لكم اخر تطورات موضوعي
برجع لزوجي غصب عني وربي كرههته كره ماعمري شفت رجال يخاف من زوجته بنات لاتقولون لي يحبها ويحترمها والله وضع زوجي مب طبيعي يخاف خوف منها
ابي اسافر مب راضي يقول مافي سفر يخاف من زوجته تسوي مشاكل له وتزعل عليه لانه سفرني بعد طلعوي من الاربعين وفرحانه معاه ويقول راعي مشاعر زوجتي تبين سفر مع اهلي اسفركم اسبوع منها تغيرون جو ومنها ما تشك زوجتي فيني
قلت له ابي نروح فندق نغير جو يوم الي بيأخذني قالي عنده دوام قلت له الخميس والجمعه ماعندك ددوام قالي عندي شغل الجمعه قلت له اووووف الاسبوع الي ماعندك شغل فيه تعال خذني
ملابسه واغراضه مب يجيبهم من عند زوجته لا تزعل بيحاول يشتري له ملابس جديده ويحطها في الشقه عندي
قلت له لبيش تعاملني كذا ماتبيني ريحني وطلقني عصب علي قالي هذي ثاني مره تقولينها لي ان عدتيها مره ثالثه بتشوين شي ماشفتيه قلت له وش بشوف بعد اكثر من الي شفته منك ومن اهمالك لي وطلع من عندي معصب وزعلان
ماعرفت وش اسوي حطيت حرتي في ولدي حسيت هو السبب الي انا فيه والله العظيم يابنات خليته يمووت بكي مارضتعه ما ابي ارضعه وابوه رافض اعطيه حليب صناعي امي هاوشتني قلت لها خليته يموت ما راح ارضعه امي حاولت تشربه ماي وسكر ومره تمر تعطيه بعدين خلاص وصلت حدها وهاوشتني وهزأتني وقالت كلام طويل عريض وخذته غصب عني وشلته بالقوه ورضعته ياربي شكله يكسر الخاطر وهو يدور صدري يبي يرضع وعلى طول مسكه ورضه وبعدها ندمت حيل وجلست اصيح
كلمت ابوي وقلت له ابوي مايدري عن الي صار بالتفصيل وهم عصب علي وهزأني ليش اسكت وارضى يسوي فيني كذا ,, يوم التهزئي العالمي صار لي
وقالي بيكلمه وبيجلس معاه راح له وكلمه وجلس معاه وما ادري وش الي دار بينهم بس قالي ابوي انا بيتغير وانا مو راضي يطلق يبني يقول زوجتي وام ولدي وانا ماراح يقصر معاي
برجع له واهلي خايفين علي حيل وشايلين همي وصتني امي اني ما احمل مره ثانيه لين يتعدل مع انه مو راضي اخذ موانع بس باخذ وهو مايدري بحاول اتقرب منه وان شاء الله ربي يحنن قلبه علي وعلى ولده ويتعلق فينا اذا شاف ولده كبر

دعوووواتكم لي وربي محتاجه للدعاء تعب من حياتي معاه