صباحكم \ مسائكم فل وياسمين
لااا من جد شاعره <<<<<<هههاي
كيف تجهيزات رمضان معاكم...؟
انا الحمد لله عبيت الفريزر والثلاجه وفرزت اشياء كثيره <<<وحده قاعده تنصب عليكم :42:
المهم انا ليه فتره غااااااااطسه بس اتابع من بعيد لبعيد اشوف الجديد عندكم واروح اجرب <<حقل تجارب العائله
تصدقو بنت خالي كل ما تدق عليه تقولي هااا ايش في شي جديد عندك من خلطات غربيه عجيبه <<<اكيد غريبه مو انا في عالم حواء ......................كل جديد موجود هناا ...................<<ما اسوي دعاااايه هههع
المهم انا الحمد لله بشرة جسمي ووجهي كويسه وتحسنت كثييييييييييييير <<الكل لمن صار يشوفني يقولي متغيره ...طبعا قصدهم محلوه <<< اقول طسي بس
بس مشكلتي دحين مع الركببببببببب وما ادراك ما الركب
صراحه هيه مو غامقه مره بس انا ما ابغاها تبان من الاصل <<<مو دحين وحده تجي وتقول هيه لازم تكون اغمق بشوي من الجسم .....لااااااااااااااااا والف لاااااااااااااااااااا
فأنا اتخذت قرار حاااااسم في اني اسوي لها ليزر <<<ولحد يسألني كيف ووين وبكم وايش اخطاره لاني ما ادري
بس لو كان الي فيه راح اسويه يعني راح اسويه <<<طيب مين مسكك دحين روحي سويه والله قلق
بس قلت اسوي محاااوله اخيره بهالخلطات
وهو برنامج لمدة 10 ايام متواصله وكل الشغله ما تاخذ منك ساعه في اليوم
وانا حبيت اقولكم عليه عشان تشجعوني والي تبغي تمشي معايا في هذا البرنامج وتكتب لنا ايش يصير معاها كل يوم
طبعا انا لسه ما جربته بس احسه حلو ومفيد
تفتيح لون الركب والاكواع يعتمد على ثلاث مراحل اساسيه ومهمه جدا
اول شي التقشير :
وفي كثير ينسى هذي النقطه المهمه لانه لازم نزيل الجلد الميت عشان لمن نحط المكون اللي يفتح او يغذي يكون على جلد حي يتشرب الخلطه مو ميت بزيد من سوادها <<<حلوه هذي جلد حي مو ميت
والله ما انلام من كثر ما نحوس في هذي الركب
طبعا دائما وابدا لمن تجي تقشري بشرتك ما تكون جافه وهذي طريقتين عشان ترطبي الجلد ويعرق :
1- تدهني ركبتك بزيت اللوز او زيت جنين القمح ولفيها بنايلون وتخليها نص ساعه
2- او تبللي منشفه بمويه حاااره وتلفي فيها ركبتك برضو لمدة نص ساعه
دحين نجي للتقشير وفي كذا طريقه انتي اختاري اللي متوفر عندك :
1- (ملح - سكر- موية ورد - ليمون ) بمقادير متساويه وتفركي فيها الركبه الحلوه هذي الطريقه اللي افضلها لانها كمان تفتح يعني مو بس تقشير
2- الطريقه الثانيه بعد ما تشيلي النايلون من على ركبتك تفركيها بملح خشن وهذي الطريقه تطلع لكي الشعر الي تحت الجلد <<الي عندها حبوب سوداء في ركبتها
مهم مهم مهم (لمن تفركي لا تضغطي بقوه على جلدك بشويييييش يعني يادوب يدك تلمس جلدك) لمدة 5-7 دقايق
بكذا خلصنا من التقشير
نجي دحين لماسكات التفتيح والتغذيه
وكمان في كذا ماسك اختاري الي يعجبك ::
1- (بودرة الاطفال -موية ورد -كم نقطة ليمون ) اخلطيها مع بعض مزبوووط حتى تتكون عندك زي العجينه الخفيفه وافرديها على ركبك ولمن تنشف افركي ركبك حتى ينزل كل الماسك وغسليها ونشفيها كويس
2- ملعقتين من الطين المغربي مع ملعقة زبادي وبرضو نفس الطريقه افرديها ولمن ينشف افركيه حتى يتفتفت وغسليه ونشفيه كويس
3- هذا الماسك صيني يستخدموه للعروس:: وهو انك تلفي قشر الموز على ركبتك او كوعك وبعدين تلفيها فوقه بنايلون الاكل لازم يكون الموز لاااااصق في جلدك وخليه نص ساعه وبعدين غسليه كويس ونشفي
<وهذي الماسكات تقدري تسوي اي واحد فيهم او كل يوم واحد على راحتك >
وبعدين اهم نقطه الا وهي الترطيب الترطيب الترطيب <<طيب فهمنا الي بعده
نرطب الركب والاكواع بجليسوليد الاحمر الجميل اوي اوي اوي <<ازيكو <<<جالسه اشوف افلام كرتون بالمصري
مو شرط جليسوليد اي كريم انتي تستخدميه ما عدا الفازلييييييييييييييييييين نو -نو -نو -نو لانه يسمر وعن تجربه
وبث ياقماري هذا نظامي وان شاء الله راح ابداء فيه من بكره باذن الله
ابغى منكم تشجعوني
وياريت تمشوا معايا بهذا النظام عشان اذا نفع مع وحده غيري وما جاب معايا نتيجه اعرف ان ركبي ميؤس منها واسوي الليزر يالله الي تبغى تقولي خلونا نعيد من دون ركب بنيه
في حفظ الرحمن
راح اتابعكم بعد مارجع