اخر دفعه لي هالشهر لكن حسيت بالحزن والاكتئاب بعد فراق حافز

السلام عليكم
اخباركم يابنات وكيف حالكم من بعد حافز .انا هالشهر اخر دفعه استلمها من حافز
لكن والله ماحسيت بالفرحه حسيت بالحزن والهم وش راح يكون حالي من بعده
رغم اني ظروفي صعبه عايشين على الضمان بس
وحافز والله فك ازمات وساعدني بتوفير العلاج للوالده وصلحت منه سيارة اخوي
وصار اكلنا افضل من قبل لان كنا نقعد ايام ناكل خبز وجبنه والا تمر وشاي والااندومي
وكل ايامنا تكون كبسه احيانا بدجاج واحيانا بدونه والا مكرونه
ياليت يمددونه الين مايلقون لنا وظايف حرام عليهم يقطعونه عنا
وحنا الى الان عايشين مرارة البطاله وحياة الفقر
آهـ يـاهالسنه اللي انتهت كانت احسن من السنين اللي راحت من عمري
بالنسبه لحالتي الماديه والسبب وجود حافز اول مره يجيني احساس اني غنيه مو فقيره
حسيت اني عايشه بدنياي مو مثل قبل كنت احس بالحرمان واني انسانه مهمشه ووجودي مثل عدمه
يارب تفرج هم كل مهموم ومهمومه وكل عاطل وعاطله وتفتح لهم ابواب الرزق يارب ياكريم
من مثلي يابنات حست بمشاعر الحزن على انتهاء حافز وماتحس فيه طبعا الا اللي جربت حياة الحرمان
لاتنسوني من دعواتكم لي :frown:
تحياتي لكم