اخر صيحات الموضة

هاي بنات شلونكم حبيت اني اشارك وافيدكم بموضوعي هذا اللي اكتبه بحكم خبرتي في مجال الماكياج
0000سمعوا يابنات ترى الموضة الدارجة الحين هي استخدام الاي لاينر بكثافة و الماسكرا ايضا بمعنى انك تحطين الاي شدو خفيف جدا يعني لون فاتح والفوكس او التركيز كله على رسم العين تعرفون مثل ماكياج منو؟

7
7
7
7
7
7
7
(سعاد حسني)


شوفوها بفيلم(صغيرة عالحب)


ولما ترسمين عينج ارسميها بخفه وترتيب ولا تنسين زوايا العين الداخلية يعني تمدين الاي لاينر بس مو بشكل مبالغ فيه لا بطريقة ناعمة بهذي الطريقةتبرزين جمال العيون العربية

وبالنسبه لزوايا العين الخارجيةتمدينهم بعد ولكن حسب كل عين ورسمتها يعني العين الصغيرة تكبر والعين الكبيرة تمد الاى لاينر لكن بشكل بسيط وبعدين تستخدمين ماسكرا كثيفة وخاصة بطرف العين الخارجية واذا عندج خبرة بتركيب الرموش زيادة الخير خيرين ونسيت اقولكم ارسموا عينكم من تحت ومدوا بعد الاي لاينر وياليت تشوفون رسمة سعاد حسني بافلام ابيض واسود وتطبقون مثل ما هي مسويه


بالنسبة لي سويتها ذيك المرة وطلع شكلي رومانسي وهادي على الرغم من استخدام الاى لاينر يعني الزبدة استخدموه بنعومة مو بدفاشة هههههههههه وكنت حاطة اللون الاخض اللؤلؤي مع حمره مشمشية والحمرة بالضبط نفس لون التحديد يعني لا تحطون حمرة غامقة لا حطو فاتحة جدا جدا لان العين بارزة واحنا الهدف انه نبرز العين وعلى فكرة الالوان الدارجه الحين الاخضر والبنفسجي والمشمشى والذهبي يعني لو حبيتوا تطبقون هذي الطريقة استخدمي واحد من الالوان هذي

وودي احط لكم افكار تساعدكم برسم العين بس تعبت من الكتابة وان شاء الله اكمل الحلقة القادمة ولا تنسون تدعون لي بالوظيفة والزوج الصالح والذرية الصالحة وبااااااااااااي :)