اخر مستجداتي

السلام عليكم ورحمة الله وبركاته


احب اطمنكم علي انا بخير الحمدالله ومرتاحه مع اطفالي لكن قبل شوي جت امه وضربت الباب وفتحت لها مدرعمه ماقالت السلام ولا شي
ونادت بناتي وولدي قالت شيلن الاغراض من عند الباب
جايبه رز ودقيق وسكر وملح ومكرونه وزيت وخضره
وانا ماتطالع فيني ماكني موجوده المشكله انها مسلمه مسميه مصليه السلام عليكم ما قالتها
مدري وش فيهم هالناس


المهم قالت لبنتي جيبي ملابس ابوك قالت بنتي ما اعرفهم قالت قولي لامك تجيبهم طيب انا واقفه وجهي لي الكلام
قمت انا بكل سكوت وبرود جبت ملابسه وفوطته وكل شي يخصه حتى مزيل العرق قلت ذي اغراض ولدك قالت ليه حاطتهن بكيس وين الشنطه
قلت اسمحيلي خليه يشتري الشناط حقتي انا واطفالي
ماعجبها كلامي تبي شنطتي وشنطة اطفالي لولدها سلامات لو بروح لاهلي وين اخلي شناطي يحسبوني للحين مجبوره اضحي


المهم جت بتطلع قالت لبنتي امسكي ذي مصروف مدرستكم اسبوع انتي وخواتك واخوك وطلعت


مدري اضحك عليها ولا ادعي