اخر مستجدات قريبتي اللي زوجها تزوج عليها ويبي يحط ضرتها معها بالبيت

اللي حصل بدل ما تكبر السالفه وتخسر بيتها وتشتت عيالها اوهمت زوجها انها موافقه واهو طار من الفرحه وقال وش تبين كان فيه بعض النواقص في البيت عيالها غرفتهم بدون فرش فطلبت منه يفرش الغرفه طبعا بقدرت قادر طلعت الفلوس وفرش في اقل من يومين وجاب بعض الاشياء ودلعها يومين يمشيها ويادهينه لا تنكتين ويوم قرب زواجه قالت بروح لهلي ارتاح هذي الفتره وانت تاخذ راحتك طبعا وافق وكله حمااس راحت جمعت كل اغراضها واغراض عيالها وكل اوراقهم وقفلت القسم الخاص فيها وراحت بيت اهلها واهو يظن انها زياره طبعا الاخ تزوج وعاش كم يم بدور العريس الجديد واهي جااسه تراقب من بعيد وكلها اسبوع الا الاخ جاي يبيها ترجع البيت صارت تماطل وتبيه يعيش مع الزوجه الجديده كم يوم زياده حتى يعرف الفرق واهو انهبل وصارت تشترط ودني وجبني اللي قبل مشاويرها مع السواقين مو معبرها وتطلب وهذيك انهبلت سحب عليها طول وقته برا ولا معطيها وجه طبعا هذيك جايه واهي عارفه ان راعيت البيت مرح تقبل بوجودها وسوت نفسها الطيبه اللي متنازله
ماتدري ان هذيك خلتها في حيره هل بترجع وتكون معها او لا سببت لها قلق من بعيد 🤣 طبعا الجديده عندها خطط مجهزتها بس ما حصل اللي تبيه والرجال بدال ما يبعد عن زوجته تمسك فيها اكثر وصار يدور رضاها وبيوم هذيك اصرت انه يجيب ام عياله لو زياره اكيد استغربت ليش مايل معها ومطنشها راح اخذ زوجته على اساس مديها مطعم تقول مالقيت نفسي الا عند باب البيت وصار يقنعها انها تنزل واهي تقول لا تحلم اسكن مع حرمه بنفس البيت قال بس شوفيها طيبه ومن ذا الكلام نزلت ودخلت
تقول شفتها طبعا ترحب وتهلي وراعيت البيت تقول شفتها مويه باارده طفت النار اللي بقلبي تقول مافيهةمجال للمقارنه وزوجها تعرفه يبحث عن الجمال ولا ذرت جمال فيها وفوقها البيتةحالته حاله مغبر وباين مو راعيت بيت ابدا وقريبتي شهادتي فيها مجروحه جمال ونظافه وطبخ اكمل السالفه وما طولت وطلعت وبالسياره مع زوجها تشمتت فيه قالت يازين ما اخذت واهي تضحك وافق شنن طبقه واهو وجهه اشكال والوان
نزلها واهي سحبت عليه كذا اسبوع اذا اتصل تصرفه اي تصريفه واهو انهبل وبيوم ارسل لها انه خلاص الحرمه راحت ومابيها وارجعي بيتك ورجعت واهي راسها مرفوع واهو منهار ومتحطم
وكلت امرها لله وما خذلها وكانت وثقه ان شي يجي عن طريق الخطابات وعارضه نفسها سناب بيكون فيه خير يعني السناب عارفين فلاتر تحسن من الشكل ومشت عليه
وهذي عبره لكل وحده تفكر تخرب بيت وتضر غيرها لمجرد انانيتها
كان ممكن انه تطلب بيت لوحدها لكن ما رفضة وهذا دليل انها تبي خراب بيت الثانيه ودرس لكل رجل يفكر يتزوج بطرق مشبوهه والكذب فيها اكثر من الصدق