اخر مستجدات مشكلتي مع زوجي

السلام عليكم
الي عارفين موضوعي
ارسلت لزوجي رساله امس الصباح كتبت له السلام عليكم متى توصلني ورقتي ؟وجلس يقولي انتي طلبتي الطلاق كثير من يوم مابدأت المشكله بيني وبينك وترى هذا ابتزاز عاطفي اذا مصرة مرة مرة عالطلاق وتشوفين انه هو الحل مالك الا تقدمين على محكمه الاحوال الشخصيه وتطلبين طلب خلع ؟! وجلس يتكلم معاي كثير وكتب لي وكتبت له وبدأت اتكلم معه واناقشه بغلطه ي بنات موراضي يعترف انه غلطان ابدا كل ماواجهته بكلامه الي قاله لي وطلبت منه يعتذر ويطيب خاطري يبدأ يحطني انا الغلطانه ويقول انتي كثير تتلفتين وهذي طبيعه موزينه +انه يقول لي بالله ماغلطتي يوم بغيتي تطلعين للمطعم بالفندق لوحدك ؟!قلتله انا غلطت غلطتين الغلطه بدون قصد مني انك يوم ناديتني ماانتبهت لك كنت مركزة على جوالي واشرب قهوه +الغلط الثاني اني كنت بطلع للمطعم لوحدي بس لاني كنت ميته جوع وانت ماتبغى تطلع تقولي ماابفطر انا مالي نفس طيب اجلس جوعانه يعني لكن انت اغلاطك قويه وكبيرة ي فلان وفيها ظلم وبهتان لي انت ظلمتني اني كنت استعرض لموظف الاستقبال +اني اتلفت على شباب عند البحر+ انه لوتركتني اطلع المطعم لوحدي تقولي متاكد انك راح تجلسين بالطاوله الي بوسط المطعم الي مقابله للشباب وماراح تروحين للطاوله الي فيها ساتر وراح تفطرين ونتي كاشفه وجهك ؟!المهم حاول يبغى يشوفني ويقابلني وقالي ماااعرف اناقشك واتساب لازم اشوفك وجه لوجه ونتكلم ونتناقش انا وياك قلتله لا معليش مقدر اشوفك وكيف انسى جرحك لي

وقلتله  له لازم تراضيني وقال لي انا من يراضيني ومن يطيب خاطري ؟!قلتله لوغلطت عليك انا راح اعتذر منك واحب على راسك كمان لان الاعتذار من شيم الكبار 
وطلبت منه ٣ طلبات انه يعتذر لي ويعاهدني بالله انه مايكررها مرة ثانيه+انه يوديني مكه اعتمر اخذ عمرة+انه يعطيني رضوة مبلغ مادي
وقال لي مبلغ مادي ولاكأنك تعرفين مني شي ابدا
وانهيت الكلام معاه وبشوف عنه ي بنات ؟!؟!الله واكبر ي دنيا
كتبت له الفلوس ماتعني لي شي بس هذا رد اعتبار وكرامه عن الي قلته لي وبس