اخر مستجدات.. ياويلي من الي شفته بجواله( الملقوفه انا ما غيرها)

مشهد داخلي غرفة النوم الساعه 11 ليلا دخل ابو الشباب وكان شكله حايشه دور البرد الي حايش الاولاد بس يبي يفرفش لانه جايب معه كستناء اخد دش سريع وتعطر ولبس ذاك الشورت:23: :22: وجلس على طرف السرير يتابع التلفاز:cool: المفروض الملقوفه حضرتي تقوم تسويله الكستنا من غير مايطلب بس وين السنع جلست شوي على الكمبيوتر ولما سالني كيف صحتك الحين لاني انا كمان ماخذه برد رديت بكل برود زينه اهوطبعا صار كذا:confused- طفيت الكمبيوتر والعاده ما اطفيه الا بعد ما يطفي هو التيفيه فرشت اسناني ودخلت السرير هو تجاهلني شوي بس بعدين تقرب مني وصار يدلك لي جبهتي ورقبتي وكتوفي وهو ساكت وبعدين قالي تعبانه ياعمري ألتفتت عليه الخبله وظلت تناظر عيونه وقالت بكل عبط لا عندك شي تبي تقوله لي قال لا كملت النظره بنظره اعمق وسالته تحبني لا تستعجل برد لان هالمره سؤالي غير قال يشهد الله ان حبي لج اكثر من حبج لي بكثير رديت وياليتني مارديت وقلت انا ام عيالك يعني خسارتك لي ما هي هينه مثل ما تظن خسارتك لي يعني خسارتك للبيت هذا كله بلي فيه وعطيته ظهري ظل ماسك ظهري شوي وبعدين سمعته يحوقل ثم يقول اوكي بس من اليوم ورايح انا بعد بعاملك زي ماتعامليني :09: هالكلمه رعبتني يابنات بعدها ساااد صمت رهييب بينا الساعه 4 دخل ابني الكبير وجهه مسود من شدة الحمى صحيته يوديه المستشفى لان حالته صعبه وداه وحجزوه لساعه 6 اول مكلمه اتصلت رد علي وتطمنت على الولد بس الي بعده تفاجات انه رمى المبايل علي ولده وماكلمني هما للحين في المستشفى وانا تعبانه هذا وانا ماتكلمت عن المبايل وسوا فيني كذا انا خايفه كثثثير يابنات اخاف ينفد تهديده مابتحمل جفاه لاني تعودت على حنانه شسوي الحين