سؤال يتردد كثير ( ايش هي الموضه ؟؟ ) حتى الي ما يتابعونها يهمهم يعرفون الي يلبسونه شي جديد او قديم وانتهى ,,, يهتمون شوي لان مايحبون يروحون لمناسبه بلبس معين يكتشفون انه قديم جدا وراحت موضته ,,, علشان كذا راح استعرض معكم شوي من الاشياء الدارجه الحين مو شرط انها ( اخر موضه ) لكن اعطيها شوي انتباه للي ما لاحظوها او ما تهمهم ,,,, الحلو في الموضه في السنوات الاخيره انها موضه قديمه ,,,, يعني كل شي انلبس زمان وخصوصا من فتره السيتينيات الى الثمانينات رجع سواء ازياء او جزم او شنط او مكياج او حتى تسريحات ونظارات المصممين رجعول لذاك الزمن ورجعوا كل شي كان دارج فيها لكن بشوي عصرنه علشان يواكب العصر الجديد,,,, فلاتخافي اذا فيه شي عجبك من هذيك الفتره و ودك ترجعين تلبسينه ,,,,
لكن قبل من نبدأ بالعرض احب انوه على شي في عالم الموضه والازياء والمجموعات الي تزل كل موسم ( ربيع وصيف ,, خريف وشتاء ) انه فيه قاعده معينه في الازياء ما تتغير وجميع المصممين ماشين عليها لكن طبعا كل مصمم يخلق ويبدع من عنده خط معين غير عن مصمم اخر وهالقاعده هي :
في الربيع والصيف
1- اللوان بارده مستوحاه من اشعه الشمس والسماء والبحر و خضره الطبيعه ولون الورود والازهار
2- خامات ناعمه ومريحه وبارده ( شيفون .. حرير.. تل ..)
3- قصات بسيطه وتعطي سهوله في الحركه
في الخريف والشتاء
1- اللوان دافيه مستوحاه من اوراق الشجر اليابسه والغيوم المتلبده في السماء والمطر
2-خامات دافيه ( مخمل .. دانتيل ..صوف ..شمواه )
3- قصات ثقيله وتغطي الجسم اكثر
هذي قاعده اساسيه ما تتغير يعني غلط تسألين في وقت الصيف ( الشيفون موضه؟؟) او تسألين بوقت الشتاء (اللون البني موضه ؟؟ ) ممكن في بعض الاحيان نلقى لون طغى في موسم اكثر من لون ثاني مثلا في الصيفيه الي فاتت طغى اللون الاصفر لكن مو معناته اذا ما لبسته اكون مو على الموضه ومو معناته اذا لبست الوردي بيكون شكلي غلط ... الافضل نلبس الشي الي يعجبنا ويناسبنا اكثر من انه دارج ولان ( موضه )
نبدأ بالعرض
الترتر Sequin
دارج بكل شي فساتين بلايز تنانير اكسسوارت شعر جزم شنط ودارج ملون او لون واحد
الكشكشه Ruffl
تعطي شكل حلو وانيق ولمسه انثويه
الابيض والاسود
لونين ما يختفون ابد ولا تقدرين تقولين موضه قديمه كل ما راحت لابد ترجع يعطي شكل راقي وكلاس و كلاسيك طبعا ممكن تدخلين لون مع هاللونين وافضل الاوان الي تناسبه ( الاحمر ,, الاصفر ,, البنفسجي ... الفوشي )
الجاكيتات عليه الاكتاف high shoulder
تناسب اكثر الي بنيتهم صغيره
التناير الي قصتها مستقيمه pencil skirt
تناسب اكثر للي ما عندهم اوراك ضعيفه وافضل لوك ماشي معاها اللوك العملي
يتبع ,,,,,,
لكن اشوفها موضه شبابيه اكثر وغير رسميه تناسب البنات المراهقات
الجزم الرومانيه gladiator
طلعت بقوه وتعطي شكل حلو للبس
البوت القصير
الكعب المفتوح من قدام Peep
يجنن على اللبس ويعطي اناقه اكثر وحتى يحلي الشكل طلع بالصيفيه والحين مستمر في الشتاء بالابوات
الكعب الهرمي
كنت اكرهه لكن حبيته ومريح حتى لو انه كعب عالي
الفساتين المبرومه او اللف
تعطي شكل حلو وانيق وتنفع صيف وشتاء وبما انه الاكمام الطويله راجعه جبت صور فساتين لف واكمام طويله
الاحزمه
من زمان موجوده ما اختفت لكن كانت مهمشه لكن الحين صار اكسسوار ضروري ويعطي شكل حلو للجسم ويحلي اللبس البسيط حتى انه ينفع للي ما عندهم خصر
وخلاص سلامتكم ,,,اتمنى اني اكون وفقت بهالموضوع