اخسري الكيلوات واكسبي الحسنات

اولا ارحب بكل وحدة تدخل على الموضوع لان اكيد همها ان تكسب الاجر
حأحكيلكم قصتي بالمختصر انا قبل سنتين تقريبن اشتريت سير واكنت اخر اليوم بعد مأخلص من اشغال بيتي وأنيم اولادي واشوف ابوهم اذا ابغى شي ماشيات بعدها امشي على السير ساعة وانا طبعا مشغلى الدش اما اشفلي فلم او افضل اقلب في هدي القنوات الان ماتنتهي الساعة وانا كاره نفسي لان مالقيت شئ يخلي الوقت يمضي وبعدها كنت اخدلي دش وانام ز ي الدايخة لغايت ما جاء شهر ذو الحجة وانا على هدا الحال وكتبلي الله سبحانة وتعالى الحج:icon28:
وطبعا الحج ياسلاااام كلوا روحانيات وحاجة تشرح الصدر وحسات في هديك الايام اني مقصرة في حق نفسي وان يومي كلوا ضايع ورا شغل البيت وحسيت بذنب اني قدرت اطلع لنفسي ساعة امشي فيها على السير وما طلعت وقت اسوي فية شئ لاخرتي:angry2:
ومن وقتها فكرت ان اضرب عصفوران بحجر ان امشي على السير ساعة بس أش مو قدام الدش لاوانا اقرأ(لااله الاالله وحده لاشريك له له الملك وله الحمد وهو على كل شيئا قدير)500 مرة وهدي كانت تاخد مني تقريبن 40او45دقيقة والوقت الباقي من الساعة استغفر فيه اواصلي على حبيبي رسول الله عليه افضل الصلاة والسلام او اقول سبحان الله وبحمده سبحان الله العظيم وماتتخيلوا يابنات ماكنت احس بالوقت وبس فكرت أني سوات حاجة في يومي لاخرتي كانت تخليني راضيا ومبسوطة
وبعد فترة كمان صرت اطمع في الاجر الاكبر :22:وكنت اقول لنفسي دام اني بعد مشي ساعة اخدلي دش لاش ما اصليلي ركعتين قيام الليل وبعدها اوتر وما احط راسي على فرشتي الاوانا حاسى نفسي خفيفى من وزن وكيلوات ومن ذنوب ومعاصي وفضلت فترة طويلا على هدى الحال ونزل وزني وفرحت بنزوله بس موقد فرحتي بطريقتي في النزول والحمد لله بعدها حملت وبطلت مشي والله يهديني لما بدأت اتقل من الحمل بطلت حتى من قيام الليل والوتر :( ودحين اكتبلكم تجربتي وفي يدي بنتي ارضعها وتمنى منكم تستفيدوا اولا من تجربتي وثانيا تدعولي ان ارجع لهديك الايام تاني وان الله يهدي بنتي ويصلحها ومايدخل قلبي الرياء و يحسن خاتمتي
وعلى فكرة يابنات هدي اول مشاركة ليا معاكم مع اني احبكم من كم سنة بس اتكاسل ان اكتب بس اكيد ردودكم حتحمسني وسامحوني اذا طولت في موضوعي