انا والله العظيم من الشهر السادس الي قبل مااولد بااسبوع وهم يقولون بنت وبااكثر من مستوصف عملت سونار
على امل ان يغلطون ويقولو ولد لان زوجي يتمنى ولد
واشتريت ورتبت نفسي على اساس بنوته
وبغرفه الولاده بعد ماطلع البيبي من بطني قلت للممرضه هاتي بنتي قالت
جبتي ولد >>> اندهشت وانا مبسوطه :35:

وقسم بالله كل من دق وبارك قالو كيف ولد ؟؟؟؟؟؟ وانتي حامل ببنت

سبحااان الله


السونار مو دووم صح :mad:


حتى كلمت دكتور سويت عنه سونار تقريبا مرتين قولي مو معقوله هذا وين كان مخبي العده ههههههههه


والحمدالله على كل حال

أنا أنجبت 3 ولا مرة غلطوا فيهم .. الولد ولد والبنت بنت..
اللهم الولد لما كنت بالرابع قالوا بنت.. لكن من السادس وفوق ولا مرة غلطوا..

لكن زميلتي بالعمل (أعرفها شخصياً) (قبل سنتين فقط)
تقول قالوا لها ولد وكانت مجهزة كلللل شي أزرق.. حتى لما دخلوها تعمل قيصري.. تقول كانت عاملة طلبية بالونات على الباب لونها أزرق.. غير الحلويات والمفارش والهدايا وكللللش..
تقول لما ولدت وجبت بنت.. انصعقت!!
مو عن شي بالعكس فرحت فيها لكن غلى قبل الولادة بساعات قالوا لها ولد!!
تقول فشيلة كلشي أزرق.. ما أمداني أغير شي

وأيضاً بنت خالتي (قبل سنة فقط)
قالوا لها بنت.. وجهزت كل شي وردي.. نفس الشي.. عاد بكرية وطااارت لما قالوا لها بنوتة..
ولما ولدت طلع ولد!!
حتى أرسلت أختها وهي بالمستشفى تغير بعض الأشياء..


مرت خالي كذلك.. (قبل 6 سنوات)
لآخر شهر قالوا لها بنت..
ولما ولدت قالوا لها الممرضات: ولد!
تقول أقول لهم لا بنت شوفوا زين!!
يقولون والله مدام ولد!
قلت جيبوه أشوفه..
تقول لما شفته ما صدقت جلست أبكي!!
لأن عندها 4 بنات وكانت شبه متأكدة أنها بنت لأن كل مرة يأكدون لها..
سبحان الله.. تقول والله لوما شفته وهو توه بالحبل السري والدم.. كان قلت مبدلينه أو شي..
سبحان الله..

بس على فكرة..
غلب قالوا لهم بنت وطلعوا أولاد يكون الطفل عنده ارتفاع في الخصيـة سبحان الله..
يعني داخلة بالبطن وباقي كيس الصفن..
فالأطفال اللي زي كذا يعملون لهم عملية ينزلونها بعد الولادة بكم شهر..
ويكون الطفل طبيعي الحمدلله 100%..


أما البنات اللي يحسبونهم ولد.. فيكون عندها انتفاخ كبير في المهبـل.. وهذا أيضاً عادي بسبب تسرب الهرمونات من الأم للبنت..
فأحياناً يبرز العض الداخلي ويحسبونها ولد بالسونار..

لذلك لا يعلم ما في الأرحام إلا الله سبحانه..
يعني صحيح نصدق السونار..
لكن ما نثق فيه 100%
واللي يثق فيه 100%.. يشكك في قول الله سبحانه وتعالى {وعنده مفاتيح الغيب لا يعلمها إلا هو}

فالسونار مجرد آلة لترجيح جنس الجنين.. ولا تحدده
فالعلم التام والأكيد هو من مفاتيح الغيب الخمسة التي لا يعلمها إلا الله..

الله يرزقنا ما نتمنى

سبحان الله وبحمده

لآ إله إلآ إنت سبحانك إني كنت من الظالمين