حبايبي اكيد سمعتوا عن خلطة الزيت زيتون للتخسيس
ابغا اقلكم ابعدووووووووووووووووووووووووووووو عنها
تقولو ليش ؟
اقلكم.....
حبايبي انا استخدمت هذي الخلطة واللي هي ملعقة زيت زيتون على كاسة موية
لمدة الأسبوع والنص تقريباً مع تخفيف مرررررررررررة ومشي لمده ساعة
توقعت اني راح انحف والمفاجئة لما جيت اوزن لقيت نفسي زايدة 2.5 كيلو :44:
والله ما اكذب عليكم والله لو اني سويت التخفيف مع الرياضة من غيره كان نحفت
انا عندي كتاب الأغذية الصحية واتفاجأت اليوم لما قريت هذي المعلومة عن زيت الزيتون
(إن كنت تشكو من زيادة في الوزن يفضل عدم استهلاك زيت الزيتون بكثرة لأنه كسائر الزيوت يعطي نسبة مرتفعة من الطاقة وانصح باستبدالة بحبات الزيتون مع سندويش لبنة على سبيل المثال حيث ان 5 حبات من الزيتون تعادل ملعقة من زيت الزيتون)
ادري انكم راح تقولو الرسول قال كلوا الزيت وادهنوا به صح قال
بس مو نشربة
ولا 3 مرات وترا يابنات احنا اجسامنا فيها دهون كثيرة مو ناقصة
استخدمية في اكلك بس لا تروحي وتستعبطي مثلي وتشربية
وهذا مو معناه اني اشكك بصاحبة الخلطة لا لكن الاجسام تختلف
وابشركم قاعدة افحط مع الأثنين كيلو ونص ونزلت نص باقي 2 ادعولي انزلهم
وترا ماكتبت هذا الموضوع إلا للفائدة لأني احبكم في الله
وياليت اي وحدة نحفت تقول تجربتها وطريقة استخدامها لانو احتمال استخدمتها خطاء
دعواتكم القلبية