:وهج المشاعر:
•
سبحان الله وبحمده
الحمدلله تمت قرائتي للموضوع كامل بفضل الله ومنته ^^
مشكوووووات يابنات الله يسعدكم يارب وشكر خاص لصاحبة الموضوع دموعتنا
واللي يقولون ياليت يدعم بالصور . جزاهم الله خير على الاقل دعموا بفوائدهم
وانتم وراكم ماتدعمون بفوائدكم او ملاحظاتكم او تجاربكم او اقترحاتكم او حتى صور من النت ؟
تدخلون تشكرون وتطلعون
الكل يدلي بدلوه حبيباتي
من ناحية الزاوية هي اهون علي من اللي بدونها
مطبخي زاوتين واحده زاويه عاديه وحطيت فيها القدور ومثل ماتقولون البعيد صعب اخراجه لازم الواحد يدخل ^^
والزاوية الثانية عاديه مو على شكل زاوية وهذي قمة العذاب
لازم تنفك يدي علشان اطلع اللي في اقصاها وصدقت اللي قالت الداخل لها مفقود والخارج مولود
ينطبق عليها بقوووووووووه
استفدت منكم كثير جزاكم الله خير
انا في بيت اجار والمطبخ كان فيه
المجلى حقه رخام صناعي ماحسيت انه يكسر المواعين لكن لونه يحتاج تنظيف عن البقع صحيح
فكره الزوايه طويله لتخزين روعه خاصه اذا كانت الزاويه مو قريبه للمجلى والفرن لان اللي قريب للمجلى والفرن نستخدمه لشغل عليه
يوسع علينا
أقتراحاتي :
الفرن لازم يكون في جوانبه مساحه علشان تحتاجينها في لتخدمت وقت الطبخ والقلي
اهم شي تعرفووووووووون وين تحطون الثلاجه والفليزر فيه اذا كنتم ناوين تحطون الفليزر في المطبخ
لان مطبخي كان المفروض يكون روعه لولا موقع الثلاجه اللي مخرب علي الدواليب اللي جنبه ما افتحهم براحه
شبك غسيل الصحون اللي فوق المجلى احسه فاشل ولاحبيته نهائيا
اول شي لازم ترجعين شوي ورى علشان ترفعين الصحن له لانه فوق راسك تماما
حسيته متعب جدددددددددا جربته في بيوت الناس ولا الحمدلله ماقد توهقت به
ثانيا لازم ينزل ماء يمشي على ذراعك لما ترفعين الصحون له
مطبخي حاطين شفاط فوق الفرن مايشفط ويجمع الوسخ خاصه زيوت القلي مكرهني المطبخ كله لان تنظيفه صعب قوه
خاصه اني سكنت وهو مستعمل ومليان زيوت
يعجبني البلاط اللي يرفع الدواليب عن الارض مريح لما تغسلين المطبخ مايدخل شي جو
وسبق وجربت الدواليب اللي لها رجلين تتعب في تنظيف اللي تحتها مو مثل اذا كانت الدواليب مرفوعه ببلاط عن الارض
الغاز افضل له يسلك له على برى آمن وأوسع واسهل في تغييره من شيلته وتطليعه لانه يقص الظهر
المجلى عندي قبال الباب ماحبيت هالشي كل الشغل والحوسة قدام الباب
الهوايه عندي على الجدار فوق الدواليب وماعليها قويه لدرجه الازعاج يضايقني ان حولها زيوت وبعيده عني فتنظيفها صعب
حلو لما يكون لها زي المدخنه خرطوم طويل بين الفرن والشفاط حتى مايتوسخ السقف واللي حول الهوايه
مجلاي على الشباك لان بدون فايده لان الشباك يطلع على ارتداد الحوش من الخلف مافيه شي يفتح النفس
لو انه الطاوله هي اللي على الشباك كان استفدت منها في وضع نباتات بدل من علب الصابون
وشباكي مافيه مساحه علشان احط عليه شي من النبات يعني الزجاج على طول فوق المطبخ مافيه رف له
موقع المكيف غلط جاي في زاويه المطبخ وهذا يحرم من وضع دولاب مكانه
هذا اللي عندي حاليا واذا تذكرت شي رجعت وكتبته
وياليت اللي تعرف مطابخ زينه في الرياض تعلمنا
واشكر كل من نبهت على التدقيق ورى العمال لاننا نغفل عنه وهم مايقصرون يفصلون الشي على كيفهم
موفقين يابنات
موضوع رائع اشكر صاحبه الموضوع
واشكر كل من شارك وساهم في نجاح الموضوع
استفدت اكثييير
لاني ان شاءالله ناويه الشهر الجاي افصل مطبخي
واشكر كل من شارك وساهم في نجاح الموضوع
استفدت اكثييير
لاني ان شاءالله ناويه الشهر الجاي افصل مطبخي
على فكره اللي عندها افكار لمخزن المطبخ نفس الشي ياليته تكتبه لانه تبعه
انا في بيت اجار وعندي مستودع جدااااااااااا صغير لو ماحطوه احسن
سويته كله رفوف حديد جميع الجهات الثلاث اما الجهه الرابعه كلها باب <<< من صغر المستودع ^^
قمت وشلت الباب وشريت قماش ناويه افصل ستاره له بدل الباب
وسبب اني شلت الباب لاني خليت المستودع كله رفوف لانه صغير ولازم استغله كله مافيه مساحه اتركها للباب حتى يفتح ويتسكر زين
والباب حطيته في غرفه السطح حتى مايجيه شي لاننا لو طلعنا لازم ارجعه مكانه سليم فهو امانه ولازم احافظ عليها
الله يرزقني واياكم ببيوت الملك يارب العالمين
الصفحة الأخيرة