اخطائنا في اللبس (شاركوني الرأي)

السلام عليكم ورحمة الله وبركاتة
اخباركم جميعا ؟؟اتمنى الجميع يكون بخير وسلامة
هذا اول موضوع لي بهالقسم ومثل مانتم شايفين عضوة جديدة بالمشاركات بس انا متابعة معاكم من سنين بصمت وعارفة اغلب العضوات <<كني قصيت قصة حياتي :27:
المهم مالكم بالطويلة شرايكم اليوم نتكلم عن اغلاطنا مدري اخطاءنا باللبس والي يناسبنا والي مايناسبنا :22:
انا بتكلم لكم عن بعض مشاهداتي :
_بنت نحيفة (بمعنى اصح معصقله) لابسة اسوود والله دااايم اشوف كذا يعني البسي الوان تناسبك الوان تعطيك ايحاء بالامتلاء مو لوون ينحفك زيادة :44:
_بنت سمراء لابسة الوان فسفورية او الوان فاقعة والله مايناسبك البسي الوان تناسبك وتحلي لونك مثلا عندك اللون العسلي يجنن على السمراء اما لو تلبسه وحدة بيضاء يطفي لونها ويخليها كنها مريضة :44:
_اممممم كمان زحمة الاكسسوار في بنات الي يهديهم لما تشتري طقم اكسسوار لازم تلبسه كله رغم اني ماحب الطقوم مو لازم تلبسي الحلق والسلسال والاسورة مثلا لبستي حلق كبير وفخم الغي السلسال لبستي سلسال فخم الغي الحلق وهكذا ومثلا الحزام والسلسال مايمشي اختار ياهذا ياهذا :(
_وفي نقطة اتوقع تكلموا عنها البنات قبل كذا عن الي تطقم الالوان الكسسوار مثل لون اللبس مثل الشنطة مثل الجزمة الله يكرمكم احس صارت هالحركة قرونة:09: اعذورني على الكلمة بس لازم انسق واختار الوان ثانيه مو احكر نفسي بي لونيين مثلا الاصفر والاحمر او الاصفر والبنفسجي الازرق والاحمر وهكذا
_وفي بنات تعتقد ان الملابس السبورت لازم تكون مثل الشباب ولازم تكون معربجة ولازم تلبس سلاسل ومدري ايش والله اكبر غلط احس شكلها يصير مزري بالنسبة لرايي انا ملغية هالنوع من اللبس من دولابي افضل شي احس للبنات الكلاسيكي احس قمة الذوق :wink:
_بتكلم بعد عن المكياج لانه من مكملات الملابس مكياج الصباح وماادراك مامكياج الصباح بلاوي متلتله اشوفها على البنات بعز القوايل ومسوية عرس بعيونها والروج احممممممممممممر بكل مايعنيه هاللون من كلمة والعطر اعوذ بالله والله مو حلو يعجبك شكلها لو كانت سهرة بس جامعة مدري دوام وع مكياج الصباح لازم يكوون هادي يفتح النفس حطي كريم اساس لو كنتي مضطرة خفيف او كريم اولي مرة حلو هالكريم يغني عن الاساس وقلوس لونه هادي خفيف اوروج فاتح بناتي وكحل ومسكرة وخلصنا ولو كانت بشرتك ماشاء الله مايحتاج حطي قلوس وكحل وخلاص :27:


والله في بالي اشياء كثيرة بس طاروا المهم بنات يلا عطوني ارائكم وشاركوني و انتقدوني عادي
وبكمل بس لازم اشوف مشاركات يعني لو عجبكم كملت مااعجبكم ضفيت وجهي:44: