السلام عليكم ورحمه الله وبركاته
(ماشاء الله تبارك الله)
من تجربتي بالحياه...
اهم شي استـفـتده بحياتي صرت استغفر ربي كثير كل ماتذكرت بدون تحديد عدد معين..
كنت على اتفه شي اصيح وصرت اطنش ودموعي ماتطلع بكل وقت لانه بيتعود عليها وتصير عاديه.
كنت اعصب اذا عصب صرت اذا عصب اقول طيب حتى لو مااقتنعت واذا هدت الامور اناقش معه بالموضوع.
كنت احرم نفسي الاكل والنوم اذا تضايقت! صرت انام واذا صحيت اتناسى كل اللي صار (طبعا المشاكل العاديه) والا للمشاكل الكبيره كلام ثاني! الله يبعدنا عنها.
كنت افكر بليش اخته فلانه سوت!! وليش قالت!! صرت مايهمن من اهله الا امه وابوه اقدرهم وازورهم وماادخل نفسي بمشاكل مع اخواته .
كنت اقارنه بالغيرصرت اقنع بحياتي اللي الحمدلله ماناقصها شي بس ابن ادم طماع وامدحه كثير.
تعودت مااعطيه اسرار اهلي ومشاكلهم .
تعودت ماالصق فيه كل الوقت ووينك وليش تاخرت وتعال وجب واخليه على راحته بحد المعقول.
تعودت اهتم بنفسي عشاني مو ع شانه.
والله يبعدنا عن كنت :( ويثبتنا على صرت :)
ويعين من عندها زوج عصبي :(
اللهم سخر لنا ازواجنا وذرياتنا واحفظهم لنا ووالدينا ومن نحب..
دعواتكم..
تحياتي للجميع..