اخطب له..او..لا..المتزوجات والحكيمات ردووو

عندي اخو ملتحي ملتزم طيب جدا اخلاقه عال العال يعني لاكذب لانفاق لا لف لادوران ويحترم الاخرين ومايرضى يزعل احد منه 
وماشاءالله يقدر الناس وألاحظ اي احد يقرب لنا تنخطب بنته يدقون على اخوي هذا يسألون عن الخاطب اذا يعرف عنه شي
مع ان عندي اخو اكبر منه
اللي اتكلم عنه اصغر مني ووظيفته زينه له ثلاث سنين متوظف
اذكر مره شافوه ناس معروف عنهم عيونهم قويه يعني اي شي يشوفونه يعجبهم يعلقون ويصير شي موكويس لهذا الشي
المهم انه من رجع منهم اذكر انه جته حاله ينتف شعر راسه يقول بدون احس وصار يكره لحيته ويردد ودي احلقها تجيني ضيقه منها ودايم متضايق
واذكر كنا نقوله رح لشيخ يقرا عليك بس ماراح
بعدها بفتره طويله لاحظت انه رجع طبيعي بس مايحب يختلط في الناس كثير يعني مناسبات جماعتنا مايحضرها يصرف يقول عندي شغل يعني صار شبه منعزل
وهوبطبعه هادي يعني شخصيته هادي ماله حس
ودايم بالبيت الا لشغله او اذا عنده شغل واحيانا بعد كم شهر يطلع خواتي مطعم بس اسواق وغيره يتنرفز ويرفض
انا اذكر اذا رحت معه مشوار استغرب من عصبيته اذا حده بالسياره او غلط عليه اشوفه يولع مره يحترق ويسب يعصب مره اكره الروحه معه بس اذا وصلنا البيت عادي ماكنه عصب
قال اخطبي لي وابي وحده عباتها على الراس وماتسمع اغاني وترى ماني حاط في بيتي دش بحط المجد وابيها حلوه او مملوحه تعرفون الشباب
وهو حتى اللي معه بالعمل يعرضون عليه انه ياخذ من بناتهم او خواتهم بس هومارضى ويقول دوري لي ..ولقيت وحده عن طريق صديقتي
والبنت راضيه في اخوي وارسلوا رقمها لي
وانها نفس المواصفات اللي يبي
بس هو اعترف لي بشي
انه يوم تعب وينتف شعره يقول كانت تجيني ضيقه ودي اموت ولاعيشها
وراح لطبيب نفسي والحين ياكل علاج نفسي
ويقول الدكتور قال عندك توتر والعلاج بيستمر عليه سنين
ويقول تجيني لحظات اعصب مره من الضيقه ويجلس بغرفته لين تروح تجلس معه ساعتين او اكثر زي كذا
وقريب وداني لزواج انا واختي وضيع باب القاعه يعني ماعرفنا الوصف زين وعلى طول صار يتلفظ علي وانا ماقلت شي بس قلت يمكن من هنا الباب
فرد بعصبيه كلي .... ويدعي علينا 
يعني حسيته ماتحكم بنفسه لأنه اساسا محترم ويقدرني ومايرضى علي بس شفتوا كيف الموقف
صراحه انا لما كنت معه بالسياره كان ودي ارمي نفسي ماقدرت اتحمله وضاق صدري من هواشه ونزلت لزواج وانا شوي وابكي
وش رايكم اتدخل بخطبته او علي اثم ..اعتبر غشيت بنت الناس
طبعا لاحد يقول علميها
الحل اختار له عروس واخطب
او اني اسكت وهو وامي يحلون امورهم
لأن هو قال لي عن موضوعه لسبب غير خطبته