من التعليقات فهمت انك تقصدين يوتيوب
بالنسبه لي اليوتيوب انفع وافضل من غيره لاني اقدر اشوف واسمع فيه اشياء متنوعه
اما بخصوص نوع المحتوى اللي فيه سواء يوتيوب او تويتر وتيك توك وغيره
خذيها قاعده ان المحتوى يوجه لك بناء على اهتماماتك وبمعنى اصح المحتوى اللي توقفين عنده تقرأينه او تشوفينه هنا التطبيق يصنفك مهتمه به ويضخ لك محتوى كل الناس اللي مثله
عشان كذا خاصة في تويتر X احاول قد ما اقدر اتخطى بعض التغريدات اللي تتكلم عن مواضيع معينه عشان ما يطلع لي مثلها بعدين وتنشب لي اسابيع ماتخلص
ونفس الشي بتيك توك لانه اقوى واسرع شي في توجيه المحتوى المشابه يغرقك مقاطع لنفس الموضوع
مثل اخر فتره نشبت لي مقاطع الكريم كراميل الاسباني او يسمونه الفلان الاسباني نشب نشبه والحمدلله تخلصت منه والحين اخر كم يوم رجع مره ثانيه لكن تطور الوضع صار اعلانات لمحلات صارت توفره وتبيعه
يعني الخلاصه مواقع التواصل مثل أي موقع بالانترنت فيها الصالح والطالح وانتي تختارين اللي يناسبك
مافي تطبيق انظف من الثاني لكن في تطبيق يوصلك محتوى ما يناسبك لسبب ما وتطبيق لا
من التعليقات فهمت انك تقصدين يوتيوب
بالنسبه لي اليوتيوب انفع وافضل من غيره لاني اقدر اشوف واسمع...
الدنيا تمردغنا على كيفها
وحنا صامدين🙆♀️