الله يحفظ اطفالنا من كل شر
انا اكثر شي يصير لعيالي بعيونهم ولدي الكبير مره كان معه سكين بيده مادري كيف تحرك ودخلت بعينه
انا وقتها كنت بموت من الخوف لانه طلع دم وداه ابوه المستشفى وطلع شرخ بسيط الحمد لله على كل حال وولدي الثاني
برضوه كان يتهاوش هو واخوه وجرحه بعينه والمره الثانيه ساعة يد برضوه خدشته بعينه ومعاناة عيالي مع عيونهم
الله يلطف بس ويحفظهم

يارب تحفظهم وتقر عيونا فيهم

ولدي كان عمره ٩ شهور بالمشايه تونا واصلين عند عمتي عندهم ضيوف
الشغالة تمشي معه لكن تركته وراحت تشرب مويه
وهو راح لباب الدرج فيه عتبتين كبار طاح على راسه
مادريت إلا زوجه ولدهم شايلته تركض داخله علينا المجلس وهو ينزف خشمه وفمه ويطلع صوت زي الونين
ما حسيت نفسي من الروعة دخلت على الرجال أنادي أخوي وتنومت معه ٣ ايام صار له ضمور في الرئة من قوه الطيحه ،،، والحمد لله تعافا منها ،، الحين عمره ٤سنوات متعبني بعناده وشقاوته الله يحفظه لي يارب

صح تذكرت مرة ولدي طارت شرارة من الحطب بالاستراحة ودخلت عينه وحمرررت وتوجع وديناه المستشفى صار لازم تخدير موضعي وعملية بسيطة عشان يطلعونها والحمدلله جت سليمة

موقف الله لا يعيده
بنتي عمرها سنة سويت قهوة ورحت المطبخ وهي نايمة

شوي الا اسمع صرااااااخ ووقتها الحمدلله كنت عند اهلي

ولقيت الثلاجة تصب على رجلها يااا حيااتي وسبقتني امي وشالتها وحطت لها ثلج

وتورمت سبحان الله الموقف في لمحة بصر وبعدها صرت خوااافه وموسوسة

الله يحفظها لي يارب

الحمدلله على سلامتهم الله يصلحهم
تفاجئت بولد العضوة محتارة كيف تعبت رئتة من طيحة المشاية سبحان الله

انا بنتي توها بدت تمشي وكنت جالسة بالصاله وهي طلعت على الكنب وطاحت على فيش بارز وانفتحت جبهتها رحت على طول للمستشفى خيطوها 3غرز الحمدلله بس الدم هو اللي فجعني كان مغطي عيونها وملابسها

ومرة بالاستراحة اخوي ضربتة المرجيحة مع راسة وانفلق بس مارحنا للمستشفى اكتفينا بالقهوة خخخ
وبنت اخوي نفس الشي

وولد ولد عمتي كان عمرة 12 سنة دخل استراحة ابوة بدون مايدري هو وعيال عمته عشان المسبح
سبحو وخلصو وبعدين لما جاء يطلع رقا على ماصورة الدينمو وتكهرب وعيال عمته طلعو او صرخو وابوة فتح باب الاستراحة بالسيارة صدم الباب وجو ينقذونة بعصا خشب وطاح على الدينمو وانفتح راسة وصار له نزيف وجلس بالعناية وبعده توفى الله يرحمة

وقريبة امي كانو طالعين استراحة عزيمة كبيرة لهو وطاحت بنتها وببنت بنتها بالمسبح مالقو الا فقاعات نفسهم بالموية ياحرام
ودوهم للمستشفى وحدة توفت على طول والثانية شهر بالعناية وبعدها تنويم والحين الحمدلله كويسة بس ماعندها توازن


الله يصلح الاطفال يارب
ولازم الام تكون حريصة بزيادة
انا بعد الضربة اللي صارت لبنتي صرت اخاف عليها كثيييييير واتابعها
والله خير الحافظين