اخطيت بحق ابوي😭😭

بدخل بالموضوع على طول تخانقت انا وزوجي وهو مخطي علي بشهاده عيالي الكبار
والرجال كل ماتزاعلنا كلم ابوي يجي
وابوي يجي يخانقني ويصرخ علي ويراضيه ويروح
طبعا زوجي تعود على هالسالفه لانه يطردني لبوي وابوي يطردني له
سنين وانا متعذبه من الاهانه
المهم كلم ابوي وجانا معصب مايدري شسالفه بس معصب علي خايف اروح عنده انا وعيالي
المهم جاء يصرخ علي وزوجي كل عيوبي عادهن له
انا ماتمالكت نفسي وصرخت عليهم اثنينهم وقلت طلقني طلقني باعلى صوت عندي ابوي قام يبي يضربني ويصرخ علي قلت انت اطلع براء لو تطلقت ماراح اجيك اطلع من حياتي ذليتني سنين
سنين انام وانا ابكي بسبه الاهانه
اطلع من حياتي ولالك دخل فيني
قال ان طلقك وين تروحين تبين ترجعين لي
قلت الله يعز عيال سعود مايخلوني احتاجكم بس فارقوني واطلعو من حياتي
ابوي وقف وسكت منصدم وطلع وراح لهلي يشكي مني وانه منخرع مني شفيني وكلم ولدي ويقول امك قويه امك فيها وفيها
وزوجي سكت ماتكلم راح نام
وقعدنا الصبح
قلت طلقني يارجال لاعت كبدي من هالحياه
وهو منصدم مني اول مره ايوي كذا
جالس يتكلم معي بهدوء بالعاده يضرب ويصارخ
المهم انا شيصبرني فيني غبنه من ابوي واني زعلته
وبنفسيتي اللي صارت زفت اصرخ غصب عني ماعندي خوف من احد
حتى زوجي قال قدام ابوي تستاهل الضرب قال ابوي اي تستاهل
قلت اللي يمد يده منكم اكسرها😭😭😭😭
اول مره من عشرين سنه اسوي كذا واطلع من طوري
فضفضه يابنات لاحد يغثني بزياده