اخـــــاف أزعـــــلهمـ !!

الســـلام عليــــــــكمـ


بدخــل بالمووضــوع ماعرف احط مقدمااات

عمري 24 قبل كنت ارفض اللي يخطبوني لان اغلبهم يابدون وظيفه يامتزوج ياسمعته مااش يا انه مايصلي يااانخطب كم شهر ويتفركش الموضوع لان ماارتاح لما استخير

بعدين تقدملي واحد عمره 27 وظيفته زينه ماشالله وعيلته واهله طيبين وسمعته طيبه ويصلي ووسيم يعني اعجبني كل شي فيه خصوصا انه عمــره مقارب لعمري

بس انه ارمــل وعنده ثلاث اولاد .. خفففت بالبدايه وترددت وجلست افكر افكر واستخررت وارتحــت وطلبت اشوووف عياله قبل لايشوفني عشان ابغى اشوف نفسي تتقبلهم او لا

وجابهم لنا يارربي انجنييت لما شفتتهم كل واحد احلى من ثاني ماشالله تبارك الله بس صغار واعمارهم متقاربه الكبير عمره 4سنوات والثاني سنتين و8شهور والثالث تووه صغيير عمره سنه و3 شهور تقريبا
على طوول بعدها وافقت وتم كل شي الحمدلله وتزوجت لي خمس شهور الحين

اول 3 شهور كانو ا ينامون عند جدتهم (بيت زوجي جنب بيت اهله لاصقين ببعض ) ..
كانوا مو متعودين علي ويستحون مني وانا ماعرف اتصرف معهم ..
بعدها صاروا ينامون عندي بس مايخلوني اسويلهم شي ... يعني ابوهم هو الي يروشهم ويوكلهم وينومهم
والصغير انا ماعرفله :icon33: بس زوجي يساعدني فيه الين ماتعلمت والحين جابلي شغاله عشان احتست من قلــب مااعرف اتصرف وصرت احس اني فاشـله :icon33:

المشــكله اني اخاااف اعاقبهم ويكرهووني .. صرت اخاف واحسب لكل تصرف الف حساب ماابغى اظلمهم

وهم لسى مو مستوعبين اني زوجه ابوهم .. يعني يجلسون يسالووني متى بتروحين بيتكم :icon20:

ويزعلوون اذا شافووني مع ابوهم .. ابووهم اذا جاا يقومووون خااااااااااااله :06: تغطي ابوي جااا :dry:

وبالليل لازم انام معهم ياويلي ان رحت عنده :ohwe:

ودايم يجلسون يسالوني اساله مدري من وين يجيبونها ..

امي متى بتجي ؟؟ الي يموتون متى يرجعون ؟؟ امي تقدر تحط مكياج عند ربي :blink: امي عندها مكيف ولا لا :icon32:

هم يقولون لي خاله والحين يوم تعودا علي اقولهم قولولي ماما .. يجلسون يسالوني طيب كيف نقولك ماما وانتي ماولدتينا :ohwe: طيييب اتحداااك اتحدااك كيف امي ولدتني :unsure:
واسالــــه تموووت ضحك وكل سؤال اغرب من الثاني خصوصا الكبير اسالته عجيبه ..

امس يقوول لابوه يابابا ماما ماتت زي وضحى ؟ قاله : ايه .. قال طيب انت الحين بتسووي زي نمر وتتزووج وتتزوج وتتزوج :icon8: وابوه قاله ايه :icon33:


انا الحين ماعرف اتصرف معاهم

مره نظفت البيت ومسحت السيراميك ورحت اتروش ويوم اطلع الاقيهم كابين عصير ويتزلحقون فيه :ohwe:
فخفت اضربهم او اخاصمهم وكلمتهم حاولت افهمهم اني زعلت منهم بس مااهتمووا :44:

اذا جو ضيووف ويتضاربون مع عيالهم مدري كيف اتصرف اخاف ارفع صوتي عليهم :frown:

واذا احد غلط اخااف اعاقبهم ويزعلون مني .. مره جيت والولدين الكبار يسحبون اخوهم الصغير من رجووله
وخاصمتهم لاول مره وبكوا :44: جلست ابكي معهم واعتذر واعطيهم اي شي ماابغاهم يتكدرون

وبعدهاا توبت اخاف اعصب عليهم .. واخاف اعاقبهم .. واخاف اضربهم .. مدري اش اسوي !!

ابوهم يقولو انتي دلعتيهم وهم يستغلوونك عاقبيهم ولاتعطينهم وجه عشان يعرفون انهم غلطوا بس مشكلتي

اخاف ربي يعاقبني واخاف اني اظلمهم .. فالحين صارت تصرفاتهم همجيه وابوهم يلومني ويقول انتي دلعتيهم ماكانووا كذاا .,,

اهل زوجي صاروا يتضايقون منهم يقولون كانوا مايضربون احد الحين يجلسون يلطشون من هب ودب :angry:

كلهم يلوموني ويقولون اني مقصره وماعرف اتصرف معهم ودلعتهم :44: احترت :icon33:

ابغى اعرف اذا عاقبتهم اذا سووا غلط عادي ولا لا ؟ لان مايجيني نوم ولايرتاح بال اذا ضايقتهم واجلس احس بتانيب ضمير :icon36: