الله يوفقك ويرزقك بعيال يبرونك ان شاء الله

حبيبتي الغالية
الله يباركلج زواجج ويوفقج ويعينج على تربية الأيتام وأهنيج الصراحة على هالشرف اللي بتكسبينه من كفالتج لهذيلا اليتامى


وأكيد بتواجهين صعوبات وخاصة انهم فقدوا أمهم الله يرحمهها فألحين هم عايشين حالة من الصدمة والغربة ويحاولون يلفتون الأنظار سواء بطرح الأسئلة أو الشغب أو الشقاوة محاولةً منهم لجذب الأنظار واستجداء العطف والحنان اللي فقدوووووه بصورة مفاجئة

أهم شي تحسسينهم بالأمان وتوقفين حالة عدم الأستقرار اللي يعيشونه

وتعيشينهم في روتين يومي يشغلهم بشكل إيجابي

مثلاً :
الصبح7 أو 8 توعينهم وتغسلينهم وتريقينهم
تخصصيلهم وقت بعد الريوق للعب كل واحد واللي يحبه واللي يناسب سنه
مثلاُ الألوان الخشبة وكراسات الرسم مناسبة للجميع
لعبة الكور والسيايير تناسبهم بعد والعاب الباركنات والسجادات اللي مرسوم فيها شوارع
البلاي ستيشن وألعاب الفيديو ممكن تلعبينها انتي وبو الأربع سنين

ساعة او ساعة ونص وبعدين غيريلهم النشاط

مثلاً شغليلهم التلفزيون وخليهم يتابعون الكرتووووون
أو
مثلاً سيري وياهم عندد يدتهم عالضحى ولاتنسين النونو بو سنة لازم تسوينله وجبه خفيفة بعد الريوق وتأكلينه وتعطينه رضعة وترقدينه ساعة
و
ايلسوا عند اليدة لين أذان الظهر

وبعدين ارجعي ومرة ثانيه خليهم يلعبون قبل وقت الغداء
وحطي غداهم وشجعيهم علأكل بتزيين أطباقهم وخليها بشخصيات كرتونية المفضلة عندهم

واللي يسوي شي غلط انصحيه بالكلمة الطيبة والرفق واللين ولا تقسين لأنهم أطفال وفوق هذا يتامى
ولو ما فاد النصح والكلام الطيب مرة ومرتين حذري بحزم
وقولي بصوت رسمي أبغيك الحين تبطل الشي الغلط اللي انته يالس تسويه
كلميه بلغته عشان يفهم عليج ولو اني ما اتوقع يفهمون الاثنينه الصغار
لكن حاولي مع العود تراهم بيطلعون مثله

لو مافاد الطيب ولا التحذير هدديه قوليله لو ماسمعت كلامي وسوت اللي هالشي بخذ لعبتك وما بتلعب فيها
او
حطيه على كرسي المشاغبين واجبريه اييلس 4 دقاق دقيقة وحدة لكل سنة من سنوات عمر الطفل
ورددي عليه السبب اللي خلاه يتعاقب وشو المفروض يسوي عشان ما تعاقبينه مرة ثانية
وبعد ما يخلص فترة العقاب قوليله لازم تعتذر عن خطأك
طبعاً بو سنتين ما ينفع وياه العقاب صغير بعده
لكن يوم بتأدبين الاخو بيتأدب هو
يقلدون بعض


ولاتنسين مثل العقاب لازم الثواب

اللي يكون شاطر ومؤدب لازم تبوسينه وتثنين عليه وتمدحينه
جدام الكل الابو واليدة
وانتي تسوين اي شي فهميهم وبوضوح الاسباب

مثلاً:
وانتي تغسلينهم قولي: عشان تستوي نظيف الله يحب النظافة وبيحبك وبيعطيك الهدايا والالعابب وبيدخلك الجنة فيها كل الالعاب اللي تحبها وكل شخصيات الكرتوووووون
وانتي تأكلينهم:عشان تكبر وتستوي قوي وتضرب كل الحرامييييين وتغلبني وخليه تكاسر وياج ويغلبج يوم ياكل وان ماكل عدل اغلبيه انتي وقوليله شفت يوم ماتاكل تكون مب قوي

ولازم العصر تلعبين وياهم لعبة جماعية
مثلاً:
لعبة كرة الطايرة
او
تمثلون اي تمثيلية
او لعبة الاستغماة عقولة المصريين
والمغرب تسبحينهم وتعشينهم وترقدينهم على صوت القران الكريم


















الصراحة ما قلت كل اللي عندي نظراً لضيق الوقت ولي عوووووووووووودة

الله يجمعني فيك بالجنه
والله حبيتك
ودائم كررري هذا الدعاء
يارب تسخرهم لي وتهديهم
وبالذات في الاوقات المستاجه
في ساعه الجمعه وبين الصلاه والاذان وبالوتر وفي وقت المطر

شوفي يالغلا دام ماجااك اطفال فالامر سهل
لكن اذا ربي رزقك ان شاء الله هنا راح تتعبين لانك غريزيا راح تفضلين اولادك ومن هنا الواحد يخاف من الظلم
فادعي ربك انه يسهل امووووووووووورك

والله ماقطع قلبي الا اسئلتهم عن امهم...مساااااااااااااااااااااااااااااكين واااااااااااااااااااااضح انهم مررررررررررررررررررره فاقدينها.. اسال الله ان يعوضهم فيكي وتصيرين لهم الام الحنونه والمربيه الفاضله.. بس طلبتك ماتضربينهم اذا فيه عقاب ابوهم يتصرف معهم.. انتي علميهم الصح والخطا والعقاب على ابوهم عشانهم يتقبلون منه اكثر.. الين ماتتعودين على الوضع.يارب يسعدك ويعطيك على قد نياتك