ياعمري والله اني حزنت عليك وعليكم بشكل ماتتصورينه خصوصا يوم دخلتي ملفنا وقلتي بسبب وفاه امهم واعمارهم
تقطع قلبي بشكل ماتتصوريننه وتكدرت مررره
لانهم صغار وانا عندي اربعه بنفس اعمارهم ومطيرين عقلي وهم عيالي يالله اتحملهم كيف انتي الي كل شي محسوب عليك
تكفين مهما سوو لاتفقدين اعصابك ولا يضيق صدرك منهم والله هم الصغار كذا وخليك حازمه معهم شووي ولايهمك كلام احد والله الناس ماراح يخلونك بحالك لكن لايهمك احد
وانتي بمسؤليه عظيمه الله يعينك ويأجرك على صبرك
انا اصغر منك ومبتلشه مثلك وماعرف كيف اتعامل معهم وهم عيالي فما بالك انتي
توكلي على الله والله يعينك صراحه

مشكوره


امين
مشكوره



هلا حبيبتي
الله يقدرني يارب ومااظلمهم ولااقصر معهم باذن الله
والله يعينك على عيالك ويصبرك على تربيتهم
دايم اسمع الامهات يتشكون من عيالهم بس ماعرفت حجم المسؤوليه الا الحين :icon33:
مشكووره ياقمر

مساكين يبون امهم ترجع لهم ....عامليهم كانك امهم وابنائك مالاحد خص فيك ولا تهتمين لكلام الناس طنش تعش .. لانك اذا عاملتيهم بيشوفون اصلا نتائج تربيتك على الاطفال .. لانك بتعضوينهم ان شاء الله حنان الام وقربها لهم .... بصراحة كسروا خاطري مرررررررررررة ......وحطي نفسك محلهم ونامي مع ابوهم ولاتعودينهم على الغلط وفهميمهم انك زوجة ابوهم ومثل امهم مو يقولون لك تغطي عن ابوي ....تراهم فاقدينها حيل بس مايعرفون يعبرون .. الله يكون بعونك ويرحم بحالكم ..

لاخوات ما قصروا .... والله يعطيك ع قد نيتك يا الطيبة ....
ودايما تذكري اللي يسوي زين لو يتعب فيه ,,, ما يضيع !

جربي الطريقة اللي في موضوعي هذا ....
http://forum.hawaaworld.com/showthread.php?t=780486

ع فكرة .... ترى انا لاحظت ان الاطفال يحبون اللي سولف عليهم و يكلمهم و يسوي قصص و احداث صارت للي يحكي من خلالها مواعظ و دروس ...
و لاحظت ان الأم لما يعند الطفل و هو داري انه قاعد يسوي خطأ ... يأثر جدا جدا فيه ان الأم تكلمه بتحفظ ... تشوفينه يقول : ماما شفيك ؟ قولي له عشان تصرفك الفلاني ... مثلا : يوم تعلي صوتك ع جدتك / مقاطعتك للحديث / دخلت و ما قلت السلام عليكم و انا كل يوم اذكرك .... الخ
و استمري كم ساعة , ترى بيتضايق جدا من هالمعاملة و بيحاول يتودد لك و بيأثر فيه هالشئ ...
اذا سألوك عن امهم رحمة الله عليها .... اشبعي رغبتهم بالمعرفة ... ردي ع اسألتهم البريئة .... و حببيهم بالجنة من خلال الحديث عنها ع حسب سنهم .... و ان امهم تكون مبسووووطة لما هم يتصرفون زين ( لا تقولين تسمعون الكلام , بالعكس حببيهم بحسن التصرف ) و قلبها يصير فرحان ...

ليه ماتت ؟ قولي : كل واحد الله يختار يوم يجيبه عنده .... و ان شا ءالله يدخل الجنة الحلللوة و يشوفنا و بعدين حنا بنروح له ....
نبي نشوف ماما ؟ قولي : لما تصلي ... ادعي الله وقول الله يرحم ماما و كلمها هي بتسمعك .... خليهم يحسون ان ممكن يصلونها ( ولد صالح يدعو له ) ....
الله يعينك و يجزاك الجنة في معاملتك الحسنة لهؤلاء اليتامى ...

سؤال : أمهم كيف توفت ؟ :(

حبيبتي بالنسبة للتعود الايام بتعودهم عليك

وبالنسبة للتاديب عندك برنامج سوبر ناني في ام بي سي 4

فعلا عندها طرق لتاديب اكثر الاطفال همجية ومو ضرب وحمان

لا بالترغيب والتشجيع

وبحاول اجيب لك توقيت هالبرنامج ***** الله