اخــــــر صيحــــــات الاعجـــــــــاب ,,,,,؟؟!!!!!

السلام عليكم ورحمه الله وبركاته

وش رايكم بظاهره الاعجاب بين المعلمه وطالبتها ؟؟

هل تشوفونها عادي او غير عادي ؟؟

عندي قصه شفتها بعيووني وهالمره مو الطالبه اللي معجبه بمعلمتها
لا انقلبت الايه وصارت المعلمه اللي معجبه بالطالبه ,,

لانها وبكل صراحه ماتستحق تكون معلمه وانا اشوف اني اذا قلت لها استاذه
احسها غلط لانها طاحت من عيني بصراحه بعد ماكنت احترمها ,,


المهم السالفه ومافيها انها مهتمه بطالبه اهتمام غير طبيعي وتفرق معاملتها عن باقي الطالبات
ولان الماده اللي كانت تدرسها حساسه فكانت البنت تستغلها بهالشي
لدرجه مره في الاختبارات الدوريه
جاتها البنت وقالت لها مافهمت اشرحي لي شرحت لها وعطتها من الاسئله اللي شرحتها
وقالت لها بعد مافهمت شرحت لها وعادت لها الاختبار كذا مره ,,
وتطلع برا هي والطالبه وتتقهوى معاها يعني طايحه الميانه بالحيل ,,
وبنات الفصل لاحظوا حاجه غريبه بينهم والمشكله ان البنت تقول اني ماحبها
بس كذا
يعني استغلال ,,
يعني المعلمه معجبه بالبنت والبنت ماعطتها وجه .!!
ونهايه هالقصه العجيبه ان البنت نقلت من المدرسه وقالت لبنات فصلها
ولما دخلت المعلمه عليهم في حصتها ,,
قالت البنت قولوا للاستاذه اني بنقل وشوفوا وش راح يصير ,
قالوا البنات ,,
استاذه مادريتي فلانه ...... بتنقل !!
وش اقولكم الاستاذه تغيير وجهها حيييل حييل
كتبت الملخص من دون شرح والتغيير باين على وجهها ,,
المهم جا هذاك اليوم وكنا خارج الفصل في الحصه الاخيره
طلعت الاستاذه ونادت البنت اللي معجبه فيها
ودخلوا الفصل
تقول البنت ان اول مادخلنا جلست تبكي وتبكي
وتقولها كيف بشرح للبنات من دونك
وانتي كنتي معطيه جو للفصل
المهم مادري شو دار بينهم لان البنت ماعطتنا كثير بس كانت تضحك عليها
لانها ماتوقعت ان معلمه محترمه عندها هالحركات المراهقه
حتى المراهقات يمكن عقلوا من هالسوالف
بس مراهقتها وصلت متاخره
يعني فيه تفاصيل كثيره بس مابطول عليكم ,,
بصراحه بنات الفصل يقولون طاح قدرها حتى كلمه استاذه ماتستاهلها
الحين نضحك على البنات اللي يسوون هالحركات تطلع المعلمه مثلهم واردى
الله يعين

طيب الحين انتوا وش رايكم بظاهره الاعجاب بين المعلمه والطالبه ؟؟

انا اشوف ان المعلمه تكون قدوه حسنه لطالباتها
وين معلمات قبل اللي يغرسون الاحترام
يعني قبل مافيه حتى ضحك وسوالف بين المعلمه وطالباتها الاقليييل
الحين المعلمه من تدخل الفصل وهي ضحك وسوالف بعدين تبدا الدرس
ماراح اطول عليكم اكثر
ياليت تعطوني ارائكم بالمعلمه هذي
وتعطوني رايكم بالاعجاب اللي منتشر وبشكل غريب في المدارس
اللي شيبت شعورنا من كثر مانسمع عن السوالف الاعجاب بين الطالبات والمعلمات
واذا فيه طالبات بين العضوات ياليت تعطينا رايها او قصص سمعت عنها ,,



والسلام عليكم ورحمه الله وبركااته ,’,’,