اخـــــ❤️ـــــوي ياعزوتي يا ضحــكتي وبكــآي

بنااااات ابحكيلكم قصة اخوي
إلي قلبي ينفطر لما اشوفه كلللل مره
الحمدلله على كل حال
هو عمره ١٦ سنه الله يبارك بعمره على الطاعه
هالسنه بيخلص ان شاء الله حفظ القرآن الكريم
زمااان لمن كان صغير كااان شققققققققققققققي مره بجنووون شقاوته مو طبيعيه > لدرجة امي تشك ان فيه شي
والله كنت ابكي من العصبيه الي يعصبني ياها وامي كذا بعد ماعمرنا عانينا من اخواني زيه بالشقاوه
وكلنا كنا نخاصمه ونضربه احيان >هذاااا الي خلى قلبي ينفطر لها اللحظة
وابوي بعد مررررررررررررررررررررررررررررررره بعيد عنه وعننا
بس حنا تهون الحمدلله ماما قريبه منا
بس هو ولد يبي رجال زيه يفهمه
ابوي شددددددددديد عليه لدرجة التعقيد
اخوي صار معقد بسبة ابوي
هو يحب الوناسه وخدووووووووووووووووم بجنون يخدمك بعيونه بس بابا كسّر مجاديفه الله يهديه
ماما تحاول فيه دايم خلك قريب منه يبي رجال زيه بسسس مااااااش لاحياة لمن تنادي
بعد ماكبر الحمدلله صاااار هادئ ماشاء الله بزياده لدرجة ماعاد له حس بالبيت ولايطلع ولا شي > احس داعوات ماما استجيبت دايم كان تدعي له انه يعقل من كثر ما جننها - والله كنت غاسسسله يدي منه قلت هالآدمي مستحيل يتغير وينصلح من كثر ماشيبنا - شيب الناس كلهم مو حنا - بس ماشاء الله عليه فيييه ذكاااء وطاقة بس ما لقى من يفهمه وهو ف ذاك السن بس لمن كبر وعقل الحمدلله صرت احاول اتقرب منه احااااول بجهدي ابي اعوضه عن اللي كنا نسويه فيه وهو صغير كنا نضربه ونهزززززئه بشششكل 😭 الله يسامحنا يارب وربي العالم كان بسبب شقاوته لدرجة كان وهى صغير اذا ماعرف يقهرنا يروح للمصحف ويرميه > طفل يحاول الاستفزاز
المهم بعد ماكبر مالقى حد عاقل حوله حنا نحاول نتقرب منه بس مايكفي يبي رجال زيه يفهمه مو زي امه والا اخته
الحين هدأ الحمدلله بس لسا قصة السيارة مجننته يبي سياره لو اييييييييييش ماكان وامي وابوي لسا يشوفوه متهور حبتين بالسواقة ابوي احيان يعطيه سيارته بس هو لا يبي سيارة له خاصة
آخر سالفة كبيره صارت معانا برمضان الماضي ولد عمي جابو له سياره واخوي ينقهر منه قاطعنا وقاطع الاكل وطلع غرفه بالملحق مسوي يقاطعنا عشان سياره طبعا بدور ابوي العصبي كان يرسل اخواني ينادوه يجي ياكل معانا وهو يعي معاند مصلب راسه وابوي حط راسه براس اخوي كل واحد يشد الحبل من جهة وحنا بالنص قلقانين المهم خلاااص فاض الكيل ب ابوي صبر عليه يومين ثلاثه ماش الولد معاند جاااااله ضربه ضربه ضربه آخ الله لارده من يوم والله اني بكييييييييييت لدرجة ماعاد اقدر اتنفس كسر خاطري اخوي تخيلو خلاص يهدأو نص ساعه رجع له ابوي كفخه من اول وجديد وهدأو شوي ورجع له لييييين تسحرنا اقسم بالله يا انها ليله أليمه كلنا نبكي ابوي عصب علي وانا ابكي بغا يضربني يقول ليش تبكي هالمجنونه صرخت قلت كسر خاطري اخوي > مدري انا اتحسب على هالأب او ادعي له الله يعين
ليلتها اخوي جاب سلك كبير ويقول بينتحر انا خلاص احس اني بنجن جلست جنبه افهمه ابكي وافهم اقول له كلام يصبره انو شوي وترتاح منه يبغى لنا نصبر عليه امي ماتستاهل الي قاعد يصير ومن هالكلام لين هدأ شوي ونا خلاص روحي بتطلع من صدري من الحرقه والقهر
ليلتها جبته معانا الغرفه ونومته ع سرير فاضي تخيييلو صحينا الظهر وهو يتلوى ع الأرض ويمسك على صدره زي إلي يحتضر اقسسسسسسسسم بالله مدري كيف مسكت نفسي ما انهرت من المنظر > للعلم اخوي عنده ربو وامراض بالجهاز التنفسي كان يتعب علينا ب استمرار وننومه بالمستشفى من وهو صغير المهم رحت ناديت امي اقولها تعالي اخوي جالس يتلوى ع الارض جات وجت تبكي ع الارض موقف يطيح القلب اول مره اشوف امي منهاره كذا صحينا ابوي ووداه الولد مايقدر يوقف قلنا له تعال شيله عيا وطلع السياره حاولت اشيله انا واختي قومناه وهو كمل لحاله وراح ودوهـ المستشفى فحصوه ماعرفو شفيه > انا شكيت من كثر الضرب كان يمسكه ابوي من صدره ويضربه بالجدار > اخوي نحيييييييييييييف مره يقطع القلب وقلت لأمي خلاص امسكيها عليه قولي له هذا بسببك الله لايسامحك حسسيه بتأنيب الضمير قالت له كذا وهو يكابر ويعي يقول لا ومدري ايش كلامه متناقض زي الي خاف عليه وبنفس الوقت يكابر المهم راح بسرعه عند جدتي يتشكى عليه 😳😳😳😳😳 هنا انصدمنا تشكى حتى للناس وهو السبب زي الي ضربني وبكى سبقني واشتكى يعني قوة عين على الي سواه
المهم اهتمينا ب اخوي وسويت لها زيت زيتون وحبه سودا مطحونه وعطيته يدهن صدره > قال مرررره شال الوجع بعد الله

من بعد هالموقف احسسسسس صرت اتقرب من اخوي كثيير وابوي بعدها عطاه سيارته يسوقها شوي شوي

بس لسا ما احس انه برى جرحه هو يحقد على ابوي كثيييييير وانا اشوف له الحق
مرمطنا ابوي كثييير بها الدنيا والله عايشين كأننا ايتام ولاكأن عندنا ابو
كل شي على امي المصرف والحنان وكل شي اسأل الله ان يعظم اجرها ويبارك ف عمرها وصحتها ويزيدها خير وسعاده ويقدرنا على برها
ويهدي ابوي اسال الله له الهدايه هو عاش ف بيئة قاسيييه جدا جدي وجدتي كانو يظلموه الله يسامحهم وسببو له عقدة واحنا الي اكلنا التبن
الله المستعان