السلام عليكم ورحمة الله وبركاته ..,
أرجـو من المشرفه انها ما تحذف أو تغلق هالموضوع مثل اللي صار بالموضوعين اللي قبل .. لأنه انا مو جايه هنا أفتح النقاش نفسه اللي تم في الموضوعين السابقين ..،
في البدايه بنات انا عندي سؤال .., تتوقعون ليه الدنماركيين قدروا يتطاولون على رسولنا اللهم صلي وسلم عليه !؟ ..
لأنه وبكل بساطه .. المسلمين ما عاد لهم هيبه قدام الغرب ..
لو لنا هيبه .. ويحسبون لنا حساب .. ويحترمون ديننا ومعتقداتنا .. كان حملوا حقدهم بينهم وبين نفسهم .. وما تجرئوا على نشره بهالصوره الرجعيه ..
وايش تتوقعون السبب في ان المسلمين صاروا أمه مُستهزئ بها ؟ .. وما عاد لها هيبه ولا قدر أمام العالم .. ؟
السبب أولاً واخيراً .. تفرقهم بينهم وبين أنفسهم ..،
أولاً .. عندك مسأله سني وشيعي .. وهذه فرصه اني افتحها هنا ..
بنات أرجوكم .. أرجوكم .. والله مو ناقصنا ضعف حتى نتفرق .. مو من قوتنا حتى نسوي أحزاب وفرق وشعب .. حنا ضعفـــــــــــــــــــــاء من غير شي !!
انا ما بدخل بـ مسأله مين الصح ومين الغلط .. انا اللي أعرفه وماشيه عليه طول حياتي شي واحد ..
" فـلنتفق فيما اتفقنا فيه .. وليعذر بعضنا بعضاً فيما اختلفنا فيه "
من الأخلاق والواجبات على كل انسان انه يحترم معتقدات وديانات الغير مهما كانت .. كيف لو كان مسلم مثله .. !؟
فـ لو سمحتي اختي اذا انتي كنتي من النوع اللي شانّه الحرب على الشيعه .. أو شانّه الحرب على السنّه .. اقولك راجعي نفسك .. وخلي نظرتك أبعد وأوسع .. انظري للموضوع انه هذه قضية أمّه كامله .. مو قضيه شخصيه !!
ثانياً .. بـ خصوص الموضوع اللي انفتح انه ليش الخليجي يتزوج سوريه او مغربيه او أي جنسيه أخرى ..
ومثل ما قلت في عنوان موضوعي ..
فشلتونا !!
اممممممممممم .. بنات ما اقدر أوصف لكم شعور الذل والاهانه اللي حسيت فيه لما قريت رد وحده من الاخوات قايله فيه .. الجنسيه الفلانيه ما اذكر ايش بالضبط .. المهم قالت ان هالجنسيه رخيصات .. وان الخليجيه تجيب 4 منهم !!
يعني أنا أبي أفهم .. في أي بيئه متربيه هالانسانه ؟ .. وكيف يا ترى بيكون مصير أولادها اللي بين يديها وهي مسؤوله عن تربيتهم .. !!
وغيره طبعاً من ردود كثيره .. ولكن هذا أكثر ما أستوقفني .. !!
بنات أولاً .. كلمة اجنبيه هذه لابد أنها تُلغى من القواميس ..
ثانياً اللي ردت ع الموضوع من منظور شخصي او تجربه عايشتها ..
انتي شوفي بينك وبين نفسك .. ليه راح زوجك وتزوج عليك ؟؟
بغض النظر تزوج خليجيه أو غير خليجيه .. انظري في السبب !!
اللحين لو جينا بنناقش مشكلة العنوسه في الخليج خاصةً ..
أولاً .. وأولاً .. وأولاً .. غلاء المهور ..
والاخوات جايين هنا وبكل فخر يقولون .. حنا لاننا غاليات !! عشان كذا يروحون للرخيصات وياخذونهم ..
وتجدونها في موضوع آخر تقول .. بنات تكفون ادعوا لي ربي يرزقني بالزوج الصالح ..،
يعني سبحان الله صار سبب أكبر مشكلة تواجه النساء في الخليج .. أمر يُفتخر به .. !!
والمشكله الكبرى .. ان الرســــــــــــــــــــــول عليه أفضل الصلاة والسلام .. قــــال " أيسرهن مؤونه أكثرهن بركه" ومني متأكده نصاً من هالحديث ..
وحنا جايين نتفاخر بـ عكس ما أمرنا به الرسول .. ونذم ونذل ونحتقر باللي متسننين بسنة الرسول ! .. سبحان الله !!
بنات كلكم .. كلكم .. بكل الجنسيات .. ترا والله ديننا عظيـــــــــــــــــــــــــــــم
وأعظم ما فيه .. انه انا وانتي وهي وكلنا .. واحــــــــــــــــد ..
وحنا هالشي .. تاركينه .. اذا جينا نتزوج قلنا .. قبيلي ولا خضيري ؟؟
خط 220 ولا 110 ؟ .. مين خواله ؟ وعمامه مين مناسبين ؟
ووش أصلهم ؟ فخذهم وش هو ؟ وش يرجعون له ؟ أصل ولا هه ؟
حبيباتي هذا والله عدم رقي ورجعيه وتخلف .. وبليز لا تجيني وحده تقول نبي نحافظ على نسبنا وأصلنا وعرقنا .. احرصي انك تحافظين على إسلامك قبل المحافظه على نسب اجداد وقبائل .. !!
إسلامك يقـــــــول .. " دعــــــــــــوها فإنها منتنـــــــــــــه "
وحنا والله ان حالنا الآن من المضحك المبكي .. والسبب التعصب القبلي والعرقي ..
بنات انسوا الحدود اللي بين دولنا .. حنا كلنا مسلمين .. شوفوا كيف لما صار اللي صار بالدنمارك كلنا غضبنا وكلنا ثرنا .. لانه في شي قوي جداً يجمعنا .. ولكن سبحان الله اذا جت المسأله زواج ولا شي .. نتناسى هالقوّه اللي وحدتنا وجمعتنا وساوتنا ..و نتناسى كل الاحاديث اللي جت على هالموضوع ..
أذكر بعد من فتره انكتب موضوع عن بنت تسأل عن حجاب الكويتيات .. شوفوا كيف انقلب الموضوع احزاب وتعصب وكل بنات يذبون في بنات الدوله الثانيه .. !! يعني المسأله ما صارت زواج وبس ..
وبالنسبه لمسألة الزواااااااااااج هذه حريه شخصيه ..
هو يبي يتزوج من جنسيته من غير جنسيته هو حر .. كل واحد يشوف وين راحته
ومو شرط الواحد يتزوج من أصله !! هذا ليس من الاسلام في شيء ..
وحتى البنت .. تبي تتزوج من جنسيتها او من غير جنسيتها هذا شي راجع لها ..
ماله داعي الحقد والغيره ونقعد نحلل ونعلل الاسباب على انها سحر وطمع ورخص وكلام فاضي !! ولا تجي وحده تقول يترك بنت بلده وياخذ وحده مدري من وين ولا مدري وش سالفتها !!
سالفتها انها انسانه !! مسلمه ! قد تكون أفضل منك .. تبحث عن الستر مثل ما انتي تبحثين عنه وتكتبين 16 ألف موضوع تجمع للآنسات وتطلبين الدعاء والستر والزواج .. ولا بس انتي لك الحق بالبحث عن الستر وهي لا !؟
بنات فيه نقطه مهمه هنا لازم تُعرف ..
إن الأرض أرض الله .. والرزق رزق الله ..
هذه مو أرضي ولا أرضك .. هذه أرض ربي !!
وربي اذا أراد ان يرزق من هي ع الارض الفلانيه رجل من الارض الفلانيه الأخرى .. فـ هذه أرزاق ربي كاتبها وتتوزع .. ولا حتى الرزق تبون تحددونه ؟ .. ولا ما تعتبرون الزواج رزق من الله ؟ .. على فكره هذا يعتبر عدم رضى بـ قضاء الله وقدره .. وكأنك بتصرفاتك هذه .. والعياذ بالله .. مو راضيه على طريقة ربك في توزيع الأرزاق ..
بنات .. انا اللحين عمري 18 سنه .. يعني الجيل الجديد انا وانتي ! ..
اذا غيرنا معتقداتنا بيننا وبين أنفسنا .. وربي رزقنا وتزوجنا وجبنا عيال ..
وربيناهم على هالأساس .. أساس إلهى الا وهو ( لا فرق بين عربي ولا أعجمي إلا بالتقوى) .. والله بنكون من أرقى الأمم وأقواهم ..
واللي متمسكه بـ رواسب الجاهليه من تعصب وتخلف .. فـ هي مسائله امام ربها عن انها كانت سبب في تفرق وحدة المسلمين وضعفهم ..
انظروا للموضوع بنظرة انه هذه أمّــــــــــه تـمـــــــــــوت !!
مو واحد زوجها تزوج عليها وحده من غير جنسيتها ووحده ما تزوجت لان ولد بلدها راح تزوج من برا !!
اعتقد يكفي سطحيه !! يا ليت الواحد يكبر ويرتقي !!
في الختام أسأل الله ان يحسن نيتي وينفع بي وبكم ..
هذا الموضوع مغلق.
هلا وغلا اختي عاشقة الصمت
اولا انا احب اعبرلك عن اعجابي بطريقة تفكيرك وروعتك في الطرح مع ان عمرك 18 سنه
بس لي اعتراض على نقطتين
اولا العنوان واعتراضي فقط لانك عممتي والا فيه نماذج من الخليجيين تفشل ما ننكر
والشي الثاني يا عيوني يا عاشقة الصمت الي يخص الشيعه فا احب اقولك اعيدي النظر يالغلا لان الشيعه يسبون الصحابه ويتبركون بالقبور وعبر التاريخ هم من يخون الامه الاسلاميه ويضعون ايديهم بيد الاعداء
عندك مثلا سقوط الدوله العباسيه على يد المغول مين الي خان الامه الاسلاميه وتواطأ مع العدو هو وزير شيعي اسمه ابن العلقمي
وفي عصرنا هذا فيه ابن علقمي جديد؟؟؟؟
من دخل الامريكان وخان بغداد والعراق مره اخرى هم الشيعه
والان بعد ما تمكن الامريكان من العراق الشيعه الان يسوون مذاااااااااااابح للسنه في العراق
صاروا يلقون جثث للسنه مقتوله بطلقات في رؤوسهم ؟؟؟ طيب ليش!! لانهم سنه
اذا كلامي ضايقك او ضايق اي وحده من الاخوات انا اسسفه وحقكم علي بس هاذي قناعتي
اولا انا احب اعبرلك عن اعجابي بطريقة تفكيرك وروعتك في الطرح مع ان عمرك 18 سنه
بس لي اعتراض على نقطتين
اولا العنوان واعتراضي فقط لانك عممتي والا فيه نماذج من الخليجيين تفشل ما ننكر
والشي الثاني يا عيوني يا عاشقة الصمت الي يخص الشيعه فا احب اقولك اعيدي النظر يالغلا لان الشيعه يسبون الصحابه ويتبركون بالقبور وعبر التاريخ هم من يخون الامه الاسلاميه ويضعون ايديهم بيد الاعداء
عندك مثلا سقوط الدوله العباسيه على يد المغول مين الي خان الامه الاسلاميه وتواطأ مع العدو هو وزير شيعي اسمه ابن العلقمي
وفي عصرنا هذا فيه ابن علقمي جديد؟؟؟؟
من دخل الامريكان وخان بغداد والعراق مره اخرى هم الشيعه
والان بعد ما تمكن الامريكان من العراق الشيعه الان يسوون مذاااااااااااابح للسنه في العراق
صاروا يلقون جثث للسنه مقتوله بطلقات في رؤوسهم ؟؟؟ طيب ليش!! لانهم سنه
اذا كلامي ضايقك او ضايق اي وحده من الاخوات انا اسسفه وحقكم علي بس هاذي قناعتي
الصفحة الأخيرة
انا مثلا ماتفق مع الأخت الي كتبت الموضوع في أسلوبها وطريقة كلامها
وفيه وايد زيي.... أما الي تكلموا بالأسلوب والرأي السابق أعتقد أنهم قلة!!وفيه أيضا أخوات من جنسيات أخرى كان لهم رأي بالخليجيات... وعبروا عنه بأسلوب مش كويس
بصراحة كلمتج تجرح!!!!!!