اخـواتي حزينه جداً ... نـسيـت لـغتي الـعـربـيـه ؟؟؟

السلام عليكم

اخواتي بعالم حواء ..... بصراحه مشكلتي هذي بالنسبه لي مشكله كبيره ولا أعلم إن كانت كذلك بالنسبه لكن

المشكله اني بديت انسى كيف اكتب الكلمات باللغه العربيه مع العلم اني سابقا كنت جدا متميزه في اللغه العربيه لدرجه انه البنات وصديقاتي حتى بالنت يسألوني كيف يكتبون بعض الكلمات

مثل الكلمات التي تكتب بالضاد أو الظاء
اكثر الناس يخربطون فيهم وانا كنت ما شاء الله أعرفهم على طول يعني حافظه انه الكلمه تكتب بهالطريقه

ونفس الشيء صرت ما اعرف كيف اكتب بعض الكلمات اللي فيهم همزه يعني اجلس افكر كيف اكتبها على ألف او على نبره .... الخ

يعني صرت بالإملاء صفر لدرجه انه اذا أريد ان اكتب كلمه ادور المعجم على الأقل ممكن اجد الكلمه التي ابحث عنها فيه واشوف كيف مكتوبه

وصرت أنحرج من اللي يكونون بصف رابع إبتدائي وخامس ويعرفون يكتبون احسن مني وانا بهالعمر ولا أعرف كيف اكتب ولو سألوني عن كلمه ما أعرف اجاوبهم

شو رايكم .... كيف أقدر أرجع أعرف كيف أكتب الكلمات .... انا صرت اتمنى ارجع ادرس بالإبتدائي بسبب هالمشكله

هل في كتب معينه ممكن أستفيد منها وتساعدني ؟؟؟؟