الله يسعدددددددكم يارب كل الطرق بديت اعمل فيها ويارب

الاكل بدون ماجي يطلع ماسخ بدون طعم واذا كثرت الموية على الاكل سواء مرقه او ايدام او رز يروح تعبك كله ويصير الاكل بدون طعم كانه مسلوق بمويه  فقط

شكلك مو متزوجه او في بداية زواجك او توك تنتبهين لهالمشكله 😊😊😊
اختي وضعك طبيعي ..المسأله محتاجه وقت وممارسه وتصيرين احسن طباخه صدقيني ..انا اذكر بداية زواجي سويت كبسة خضار وكثرت بهارات مررره وطلعت الكبسه مو حلوه حتى زوجي قالي البهارات كثيره ومن بعدها صرت اقلل مرره وكمان يطلع الاكل مو حلو ..بعدين مع الوقت ومع رمضان ومع العزايم تعلمت كثير كثير ..تعلمت ان البهارات لازم تكون بكميه معتدله و منوعه لا تكثرين شي ولا تقللين شي ..وكلام اختنا جيماا صح هو انك للكبسه نستخدمي البهارات الغير مطحونه وبرضه حطي شوي بهارات مطحونه .

.واستخدمي في الكبسه مثلا كل البهارات الغير مطحونه ( الليمون الاسود هيل مسمار قرفه ) ماجي والزيت كمان حق الكشنه ما يكون قليل مره ولا كثير مره  ..اما باقي الاكلات زي الايدامات والصواني والسندوتشات استخدمي بهارات مطحونه ..انا احس مشكلتك في الكميه كمية البهارات وكمية المويه لاني عانيت منها وللحين مرات احوس بس الحين حوسه معقوله واهون من قبل بواجد