اخواتى الحبيبات ماسك الجرجير طورتة لعيونكم ياقمرات المنتدى

بسم الله الرحمن الرحيم

اخواتى الحبيبات اشكركم لدخولكم موضوعى

واتمنى الخلطة تعجبكم وتدونى ارائكم بكل صراحة انا جربتها على نفسى مرة واتنين وثلاثة ونتائجها مبهرة

الشكر كل الشكر للعضوة صاحبة الفكرة واللى انا طورت فيها شوية عشان تدينى نتائج افضل وعذرا لانى لا اتذكر اسمها ولها منى كل تحية

ماسك الجرجير

مقدار 4 الى 5 ملاعق كبيرة حمام كريم كويس تكونى بتستعملية ومستريحة فية

مقدار 2 ربطة من الجرجير الطازج مغسولة جيدا ومقطعة

مقدار 2 بيضة

مقدار 3 الى 4 ملاعق كبيرة عسل نحل من نوع جيد

مقدار 3 ملاعق من المحلب

مقدار نصف كوب من زيت الذرة

مقدار نصف كوب من خلطات زيوتك المفضلة لديك

تضرب المقادير كلها بالخلاط وتخلط جيدا واذا رغبتم فى زيادة كمية الزيت من الممكن زيادة زيت الذرة

بعد الخلط جيدا بيكون شكل الكريم بقى لونة اخضر من الجرجير وبيكون شكلها بالضبط زى المايونيز والكمية دى بتعمل حوالى كيلو جرام من الكريم

بتكفى لحوالى اربع الى خمس مرات حسب طول شعرك

الرائحة مقبولة والقوام متماسك ومش هايضايقكم انة هاينزل على رقبتكم او الوش

الطريقة بتحطى من الماسك دة على الشعر مدة من ساعتين الى اربع او ست ساعات وكلما زادت المدة كان افضل

عادى الجرجير مش بيسبب تساقط بطول فترة بقائة فى الشعر

تلفى شعرك بالبلاستيك الخفيف وتربطية وبعدها يغسل بالشامبو عادى

ملحوظة بعد استعمال الكريم تحطية فى الثلاجة مباشرة عشان فى بيض وممكن يفسد وقبل الاستعمال الثانى تطلعية من الثلاجة بفترة عشان ميسببش اى برد

كمان فى حاجة بعد ميتحط الماسك فى الثلاجة وتيجى تانى استعمال بتحسى الماسك هش كدة وبتفكروا انة فسد لا هوة بس نتيجة ضرب الزيت كويس مع الماسك بيدخل فية هوا وبعد ماتحطية فى التلاجة بيكون هش شوية لكن بيكون حالتة كويسة

اى سؤال انا معاكم وحاضرة فى انتظار ملاحظاتكم