بسم اللة الرحمن الرحيم
اخواتى وحبايب قلبى تعالو اقولكم طريقة عمل الكوسة بالباشميل طعمها جميل جدا وخفيفة اوى
تعالو نعرف مع بعض المقادير والطريقة
المقادير اولا :26:
واحد كيلو كوسة طازجة
3 بصلات متوسطين
ملح وفلفل اسود
نصف كيلو لحمة مفرومة
باشميل
طريقة العمل:angry:
نغسل الكوسة جيدا وتقطع الى حلقات خفيفة اوى نشر البصل ونحمرة على النار حتى يصفر ونضيف الية اللحمة المفرومة ونقلبة جيدا على النار ونضيف الية نصف كوب ماء او شوربة حتى ينضج نضع علية الملح والفلفل الاسود نحضر صنية الفرن وندهنها بالسمنة ونضع طبقة من الباشميل من تحت ونرص عليها نصف الكوسة الموجودة وبعد ذلك نضيف عليها اللحمة المفرومة فى الوسط ونضع باقى الكوسة من فوق ونغطيها بطبقة الباشميل المتبقية وندخلها الفرنحتى تحمر او بعد السوى نضعها تحت الشواية شويةحتى يحمر وجهها وبالف هنا وشفا يا رب
طريقة عمل الباشميل:26:
معلقتين سمنة او زبدة تسيح على النار ونضيف اليها 4 ملاعق كبيرة من الدقيق ويقلب جيدا لمدة 3 دقائق كدة وبعد ذلك نضيف الشوربة علية ويقلب بسرعة حتى يصير متماسك اللى حد ما ونتركة يبرد ونضيف الية بيضة ونضربها بالباشميل
دى طريقة عمل الباشميل يا حبايب قلبى
ولو عندكم اى استفسار انا تحت امركم ان شاللة فى اى وقت
ويا رب تعجبكم جربوها وقلولى رايكم فيها وان شاللة سوف اقدم لكم اكلات اخرى
بازن اللة تعالى اخواتى انا احبكم فى اللة :26: :26:
يلزم عليك تسجيل الدخول أولًا لكتابة تعليق.
اريام الحنين
•
تسلم ايدك .
الصفحة الأخيرة