اخواتي أحكموا هل صح الي صار و لا لا

السلام عليكم
اخواتي
هل انا وأختي حساسات من الحريم ولا كيف
لمن نتعرف ع الحريم في البدايه كل وحده فيهم تحبنا
و تصاحبنا و اذا استمرت العلاقة لقينا شر
وكل وحده مننا متزوجه
اقرب موقف
كنت انا ووحده متعارفات ع بعض
ودوم ترسل لي و ارسل لها و نتقابل
ولمن جات وحده ثانيه من السفر بدأت تتركني
وتتقرب للثانيه
اقربها اليوم قالوا لي تعالي معنا حديقه الملك فهد
قلت لهم ما اقدر مشغوله بسً اذا خلصت اشغالي جيتكم
ولمن خلصت اتصلت عليهم قلت اجيكم راح تطولون
قالوا ايه تعالي لو نص ساعه
ورحت و دخلت من بوابه بعيده عن مكانهم ومعي طفل رضيع
وقلت لهم بجيكم مكانكم قالوا لا حنا نجيك عشان نبغى الألعاب نلعب عيالنا
وكان مره زحمه و شرطه و فوضه قلت لهم لا راح اجيكم قالوا تعالي طيب
ولمن مشيت مسافه طويله ووصلت مكانهم قالوا حنا دورنا عليك و مشينا
قلت انا تعبت من الطريق قالوا خلاص خليك مكانك و حنا بسً نحط عيالنا و نجيك
مرت ساعه كامله ولا احد جاء وطلبت سياره ووصلت بيتي لمن وصلت اتصلوا علي
قالوا وينك حنا جينا قلت لهم خلاص مشيت جلست ساعه انتظركم قلت يمكن أنكم مشغولين
وبس كلمتهم بكل هدوء ولا وضحت لهم شي
لان قبلها حصلت بيني و بينهم مواقف و اطنش و هذا اخر موقف حصل معاهم
الصراحه فكرت اسحب نفسي منهم و حتى ارقامهم بحذفها و احط عليهم بلوك
امتى اجامل ع حساب نفسي انتو ايش رأيكم ؟!
وأختي حصل لها مواقف كثير مع الحريم
نفسي اعرف هل لأننا طيبات وواضحات و نبين كل شي عن حياتنا بطيبه زايده
ولا ايش السبب