اخواتي ابي مشورتكن حكومي ولا خاص

بصراحه ماني عارفه من وين ابتدي أحس أفكاري مشوشه وحالتي النفسيه تعبانه
الحمدلله رب العالمين ربي رزقني بولد بعد 3 سنوات علاج وأراد الله إني أولده بقيصيريه
والآن عمر ولدي 4 سنوات اتضح عندي الانابيب ملتصقه
راجعت دكتور على اني ابغى اسوي منظار وقالي انصحك بأطفال الانابيب
بصراحه صعقت ومن الصدمه ضحكت وقالي انا عارف أنو الكلام حزين ولكن من الافضل إذا كان في الانابيب أي مشكله من الافضل انك تسوي أطفال الانابيب لأنو لاسمح الله وصار في حمل
إحتمال كبير يكون الحمل في الانابيب ويكون خارج الرحم لأنو وضح لي
انو الانابيب السليمه تمر فيها الحيوانات المنويه خلال 3 ايام والانابيب اللي فيها مشاكل يستغرق مرور الحيوانات المنويه فيها 10 ايام
فبذلك يكون فيها فرصة الحمل خارج الرحم كبيره :44:
بصراحه أنا طلعت من المستشفى وانا ميته من البكي لكن الحمد لله على كل حال
بصراحه ماتوقعت في يوم راح يصير لي كذا لكن قدر الله وما شاء فعل
قلت لزوجي :arb: حابه اروح مستشفى ثاني
وفعلا رحت مستشفى المانع بالدمام على إني أخذ قرار إني أسوي منظار وجلس يشرح لي الدكتور إن المنظار تشيخيصي يعني يأكد هل فعلا فيه التصاق أو لا
سألته عن تكلفة العمليه قال لي 6 آلاف ريال وانا امكانياتي ماتسمح
وبعدين مافي فرق بينو وبين أطفال الأنابيب بالسعر الا شي بسيط
وسألتو إذا ممكن أعيد الصبغه قال لي ممكن ورحت قسم الاشعه آخذ موعد على يوم الاحد
وقال لي المبلغ 600 ريال قلتلو أنا سويتها عندكم من قبل بـ 350 ريال قال لي
إنها غلت شدعوه :09:
وفكرت إني أسويها عند دكتورتي بالمستوصف
اتصلت عليها تليفون وقلت لها عالموضوع بأني راح أعيد الصبغه عندها
قالت لي أنصحك بالمنظار كخطوه ثانيه لأني جربت معاك الصبغه خلاص
وسألتني ليه ماتسوينها في الحكومه
بصراحه أنا نفسي أتعالج بالحكومه لكن أسمع ان مواعيدهم بعيده مره
حابه أسأل هل فعلا مواعيدهم تتأخر
يعني لو أخذت معاي الأشعه تقريبا متى يجي موعدي ؟؟
طيب تنصحوني على دكتور شاطر وأسعاره مناسبه لهالعمليه
لأني بصراحه أكره الانتظار لو كانت المواعيد الحكوميه بعيده
انا اللي كاسر خاطري بهالموضوع ولدي يقطع قلبي أحس إنه يعذبني :(
كل ماطلعنا وشاف قدامه طفل صغير يقول لي ماما أبي بيبي تجيبينه من بطنك
عشان ينام معاي بغرفتي ويلعب معاي .... آآآآآآآه
أدري طولت عليكم بالكلام لكن مالي بعد الله غيركم أشكي له :)
واتمنى انكم تكتبون تجاربكم مع المنظار بأي مستشفى بالشرقيه وكم تكلفتها
والله يرزقني ويرزق كل محرومه ان شاءالله