اخواتي اقرؤا موضوعي وشوفوا انا غلطت في ايش

السلام عليكم ورحمة الله وبركاته
تقبل الله طاعتكم ،،حبايبي انا لي ٧ سنوات متزوجة ولله الحمد تزوجت ولد عمي سكنت جنب اهل زوجي في مبنى مستقل

اهله اهلي معتبرتهم، وأحب الطبخ بس اطبخ لهم أشكال وألوان واتقهوى معهم وأتعشى معاهم ونتسوق مع بعض

وتوظفت وصرت دائماً اهديهم ،

اكتشفت انهم ماقدروا هذا الشي عادي تسب بالهديه ميانه بشكل ماتتخيلينه

لدرجة لما جبت اولاد وشغاله صاروا يركبون سيارتنا قبلنا حتى بناتهم المتزوجات معنا
ويتحكمون بشغالتي،، انا لماشفت الوضع كذا بديت بالرسميه


شوي شوي ، وام زوجي تهاوشني اذا أخذت يومين ماشافتني قاطعه وتذب كلام ماينقال و و

وتمدح بنات اخوانها دايم عندي باسلوب استفزازي

بناتها جيت ولا ماجيت كله واحد

يحاسبوني ع اللقمه لدرجة بنتهم الكبيره تبي تكرفني بمطبخهم دايم

يعني ماكأني زوجة ولدهم ولا كأن يطلع مني جميل أبداً

ولا كأني بنت عمهم

اتزوج ولدهم الثاني وولدهم الثالث طبعاً سوو لهم حفلات واو

عكسي،
الزوجتين اخوات ، اذا زاروهم قامت ام زوجي تطبخ الاكل أشكال وألوان لهم ، وهم ضيوف شرف

عكسي عكسي تماماً الاخوات زوجات الأولاد ، ولا يكلموهم ويحطون الصحون قدامهم ويتكلمون معهم زييين

ولا عمرهم اتخدموا فيهم

تدرون ان زوجات الأولاد هذولا لهم وحده سنه والثانيه ٤ سنوات

يعني مو جدد

ماقد شربنا قهوة وحده فيهم


طيب مين المفروض يقدر ، من المفروض ينحط فوق الراس

انا اللي حتى اذا جوا يعزمون مايعزموني لا،، تعالي وجيبي معك قهوه وشاهي وحلا وفطاير

الام وما ادراك ما أم زوجي،،شي فضيع غيره مني بجنون وحسد
لدرجة ماتطلب الا من زوجي اغراض لها ماكأن زوجها موجود وعنده معاش اكثر واذا زوجي عليه دين وماقدر جت ترمي بالكلام فلوسكم وينها وين الرواتب اللي تستلمونها حاسبه راتبي مع راتب. زوجي

مع اني زي بنتها واكثر وأقرب لها من الزوجات الاخريات


الحمد لله زوجي يحبني ومعي دائماً واي شي ابغاه مايرفضه لي ومقدرني ولا يردني عن شي


الحمد لله مو حاقده عليهم ولا شي بس وعقلي اكبر

بس يابنات ابغى اعرف ليش ، فيه شي في تعاملي غلط؟!

انا عندي اخوان وزوجاتهم زي هذه النوعيه زوجات اخوان زوجي
وكنت اكره هذا الطبع فسويت مع اهل زوجي الطبع اللي انا احبه


ليش انا الان جالسه اشوف هذه النتايج


ايش الغلط اللي انا مسويته ومو منتبه له