اخواتي البنات سكان مدينة جده .... استفسار بسيط ومهم

حللتم اهلا ونزلتم سهلا :)

انا من جده .. بس صراحة الجيران كلن بحاله وانتي وحظك ممكن لو بداتواانتم تتوفقوا ..
احيان يكون الكل وده يتعرف بس من يبدأ :)

بالنسبة للمسجد الاحظ اكثر المساجد فيها تحفيظ فان شاء الله يكون فيه تحفيظ
وممكن تسألي جمعية تحفيظ القرآن عشان تتأكدي

الله يوفقكم ويسهل لكم اموركم

يعطيك العافية اختي ام باسل وسلمى
وفي انتظار افادت الاخوات الكرام ....

أهل جده طيبين وحبوبين بس بعضهم يستحي يبدأ بالزيارة
وألحين ماشاء الله تلاقين في جده من جميع المناطق يمكن تلاقين أحد من اللي تعرفينهم أو تلاقوا ناس مثلكم يبغوا يتعرفوا عليك
فلا تشيلي هم
أهم شي أن الجيران محترمين أنفسهم
وان شاء الله يكون فيه تحفيظ في المسجد لأن أغلب المساجد صار فيها تحفيظ
أنا شوفيني رجعت الجنوب مع أني من زمان عايشه في الجنوب وبعدها رحت جدة 8 سنوات وتمنيت أني بقيت فيها طول حياتي جدا ارتحت فيها
الله ييسر لي وأرجع لها

جزاك الله خير اختي بورتامودا 
الله يطمنك ويحفظك
 ياليت في وحده من اهل حي المنار تعرف المسجد توضح لي الوضع 
مع خالص شكري لمروركن

الجيران ما تقدري تحكمي عليهم ابداً قبل لا تسكني

أحيانا هم يبدأو بالزيارة

وأحيانا ما يبغوا

وأحيانا ينتظروكي انتي تبدئي

وإذا ما احد تعرف عليكي تعرفي عليهم في المسجد في صلاة التراويح وحلقات التحفيظ

بس انتي وحظك ف الجيران ،،، الله يسخر لك جيران طيبين