اخواتي الحبيبات كل واحدة تكتب متى تبدا التنظيف لرمضان

السلام عليكم اخواتي كل عام وانتم بخير واله يبلغنا رمضان على خير ويجعلنا من صوامه وقوامه
اخواتي حبيت اعرف كل واحدة متى راح تبدا تنظيف البيت لرمضان وايش مسوية مع ملابس العيد خلصت ولا لا
حبدا بنفسي انا بالنسبة لبيت عندي شوية تصليحات وحتخلص في اليومين هذي وفصلت كنبات وستائر لغرف بس طلبته في اوائل رمضان يجيبوه عشان يكون نظيف على العيد وزوجي مسافر السبت القادم فكرت بعد مايسافر ابدا التنظيفات الجامدة من والى قبل رمضان وقبل العيد يكون تنظيف بسيط
وبالنسبة لملابس العيد الحمد لله خلصت الاولاد والبنت الكبيرة وبناتي الصغار التوام عمرهم 5 سنوات الله يحفظهم وبقيوا اثنين من بناتي عمرهم 12 و10 مرة تعبت ماني ملاقية الا قصير وانا ماالبسهم قصير بس ***** الله احاول ادورلهم في اليومين هذي قبل لايسافر ابوهم وبكدا مايكون بقيلي الاكماليات لبناتي يعني شوية اكسوارات وبكل وزينات لبيت ان شاء الله اخلصهم في خرجتين او ثلاثة مع زوجي في رمضان يارب
يالله انا كتبت عن نفسي كي انتوا