خواتي احلى عالم انتميت اليه
السلام عليكم ورحمة الله وبركاته
من اسبوع نزلت موضوع عن عمليتي وكانت في هذا الرابط
http://forum.hawaaworld.com/showthread.php?t=3295225
وقلت لكم راح اكتب تجربتي عن العمليه عشان خواتي يستفيدون
المهم يوم الاربعاء صحيت من بدري عشان كنت نايمه في قلق
عيالي ما خليتهم يروحوا مدارسهم وزوجي استذن عشان كان خايف ومتوتر معي
قمت جهزت الفطور وصحيتهم وفطرنا وبعدها :angry:
ونظفت بيتي وبخرته واستنيت ام زوجي عشان تجلس عند عيالي
طبعا جت وجلست معهم الا ولدي الصغير ابو ثلاث سنين ما طاوعني قلبي اخليه اخذته معي وقلبي يرجف من الخوف
ركبنا السياره انا وزوجي و وولدي وانا على لساني لااله الا انت سبحانك اني كنت من الظالمين
وصلت المركز كان في شخص زيي يبغى يسوي العمليه
موعد حضورنا كان الساعه اربعه العصر
المهم المركز كان فاضي وشوي امتلى بالناس
جت السستر عشان تفحص عيوني اللي هو الكشف العادي حق الاشارات و الكنبيوتر حق المنطاد او الكوخ
وفحص ثاني ولاكن وانا لابسه النظاره
تضع منديل تحت النظاره على عين وحده وتطفي النور وتسال عن اشارات صغيره مره ما اشوفها
المهم قبل وضعت قطرات على عيوني
وانتهينا من الفحص الاول قالت روحي الاستراحه
رحنا الاستراحه وانتظرنا
بعد صلاة المغرب اخذتني لفحص ثاني اول مره اشوفه مثل الجهاز المخروطي من جوه وقالت خلاص روحي الاستراحه
بعد شوي بيجي الدكتور
جاء الدكتور ودخلنا عليه انا وزوجي و ولدي الصغيرون
وقال للسستر تحط لي قطرات في عيوني
المهم قال وضع عينك وملفك يوافق اجراء العمليه
انا استانست وخفت
قال في قبلك سته من خارج الرياض بتنتظرون او الاسبوع الجاي قلنا بننتظر
انتظرت في مصلى النساء وكان واحد واحد بالاسماء
اشوفهم يدخلون بشمغ يخرجون بدون وحالهم متغير
المهم كنت اقراء ومتوكله على ربي
جاء دوري قلت لزوجي ابيك تدخل معي وتجلس تناظرني بس من بعيد عشان اطمن بقربك جنبي
دخل زوجي معي قال له الدكتور
العمليه محتاجه تركيز مني ومن المريضه لانها هذي عيون فاذا بتظمن ان الولد الصغير ما راح يسوي فوضه
اجلس واذا مانت ظامنه اطلع استنى بالاستراحه وكلها عشر دقايق وهي مخلصه
قاله زوجي ما اظمنه وباستنى برا
وانا قلبي وصل رجولي من الخوف
جت السستر تبي تلبسني لبس العمليات قلت لها فوق عباتي بالبسه وقبوع الراس فوق طرحتي بعد ما تخننت
من على جبيني ولبستني مثل الشراريب وهي بلاستيك برجولي وقطرت بعيوني قطره
المهم كان في سرير ومكان عشان تحطي راسك فيه قال الدكتور نامي عليه
وشوفي الجهاز هذا طبعا قالي العمليه عباره عن اربع مراحل
اول مرحله وهي ركزي ع الضوء الاحمر هذا ركزت قالي ممتاز
وثاني مرحله وهي وضع مثل شيء يفتح عيونك عشان ماترمشين تحسي فيها
وثالثه مرحله قالي وهي راح تكون مزعجه وهي الظاهر تشطير العين وقالي راح تسمعين صوت الجهاز هذا
وراح تشمين ريحة شيء يحترق لا تخافي وتفتكري رموشك انحرقت وجاب الجهاز وقالي ركزي ع الضوء ركزت
تقريبا عشر ثواني وانعدمت الرؤيه عندي وكنت افتكر اني غمضت عيوني وخربت العمليه الا هو يقولي لا راح تنعدم الرؤويه عندك ترى عادي
بعد كذا قطر بعيوني قطرات وقالي حمد لله على سلامة عيونك اليمين واغمضيها الحين بقوه
غمضت قال لي اقوى شيء وقام بوضع لازاق عليها
طبعا سوى نفس الخطوات في العين اليسار وخلصت
قمت بعدها بمساعدة السستر وزوجي دخل ومسكني
كتب لي على قطرات لللالتهاب وقطرات ملطف
طلعت من المركز ماني قادره افتح عيوني كان زوجي ماسكني وكنت لابسه نظاره شمسيه عشان الغبار اوالهواء
ركبنا سيارتنا وانا ما اشوف الطريق لاني ما اقدر افتحها نهائي
وصلت بيتي وعيالي يبوسون ايدي وانا ما اشوفهم دخلت غرفة نومي بمساعدة عيالي وزوجي وامه ونيموني ع السرير
جلست حوالي من ساعتين الى ثلاث ساعات ما اقدر افتح عيوني واذا حاولت تسكب دموع
وسبحان الله هي العين ماهي راضيه تنفتح
بس تقريبا ثلاث ساعات بدات تفتح من نفسها بس بكسل نصف فتحه
واللحين الحمدلله اشوف اللهم لك الحمد بس لازم قطر عشانها تنشف مره
والله ينعم علي بالعافيه واتخلص من القطر
الاشياء اللي منعني منها عدم الخروج في الشمس لمدة اسبوعين واذا اضريت لازم اللبس نظارة شمسيه
واول يومين كنت بالبيت اللبس النظاره الشمسيه
واهم شيء ما افركها لمدة شهر
واي سؤال انا حاضره
واللي تقراء موضوعي تقول ما شاء الله والله ينعم عليك بالعافيه
كتبته عشان وعدت اني اذا اجريتها راح اوافيكم
ووالله اني اليوم فتحت لابتوبي
وكانت بنتي تتابع بتسجيل الدخول من جوالي
وترد بردود بسيطه وتقول انتي تحبي عالم حواء ماني قاطعه وجودك منه
يلزم عليك تسجيل الدخول أولًا لكتابة تعليق.
اول شي الحمدالله على سلامتك حبيبتي وماتشوفين شرر حبيت اسالك وين سويتي العميله وكم كلفتك وهل كان نظرك نااقص مرره والا شوي وساامحيني على كثره اسئلتياول شي الحمدالله على سلامتك حبيبتي وماتشوفين شرر حبيت اسالك وين سويتي العميله وكم كلفتك وهل كان...
الله يسلمك
والشر مايجيك
سويتها بمركز طبي وكلفتني 4500 وكان ناقص اثنين ونص
وعادي حبيبتي
والشر مايجيك
سويتها بمركز طبي وكلفتني 4500 وكان ناقص اثنين ونص
وعادي حبيبتي
ماشاء الله الحمدلله على السلامه انا متردده اني اسويها خايفه مرررررررره للكن كلامك مره يحمس كم كان نظرك وكم كلفتك والله يديم عليكي العافيه
ياحيــأأتي الحمدلله على سسلامتك وماشاء الله تبارك الرحمن الحمدلله انك طلعتي بسلامةياحيــأأتي الحمدلله على سسلامتك وماشاء الله تبارك الرحمن الحمدلله انك طلعتي بسلامة
الله يسلمك وكللك ذوق اختي
منوره اختي
منوره اختي
الصفحة الأخيرة
حبيت اسالك وين سويتي العميله وكم كلفتك وهل كان نظرك نااقص مرره والا شوي
وساامحيني على كثره اسئلتي