اخواتي الدين النصيحه أدخلي ونوريني بنصيحتك

السلام عليكم اشلونكم اخواتي ان شاء الله تكونوا بألف خير يارب :27:
الموضوع واضح من عنوانه انا محتاجه لمساعدتكم بعد الله وهالمساعده تتمثل بنصيحه صادقه من قلب صادق نصيحة أخت لاختها وحنا كلنا بهالمنتدى اخوات وإن شاء الله ما نبخل على بعض بالنصيحه
حبايبي من خمس سنوات تقريبا كانت لي تجربه فاشله مع الفرد تساقط شعري بدرجه فظيعه وتقصف وجف وظهرت في مقدمة راسي الفراغات وصار كله على بعضه شعرتين من يومها أنغلقت على نفسي وأصابتني حاله نفسيه سيئه قاطعت الناس والمناسبات بكل انواعها وماخليت مستشفى والا مستوصف ولا علاج الا جربته ومن دون فايده وبيوم من الايام شفت موضوع لأخت جزاها الله كل خير أسمها أخت العسل تكلمت فيه عن فيتامين قالت انه يوقف التساقط ويطول الشعر ويرجعله صحته عاد انا ماكذبت خبر توكلت على الله و رحت على طول واشتريته وابتديت استخدمها وبنفس الفتره أستخدمت خلطة حناء من المنتدى وخلطة زيوت لحد ما أجا يوم ووقعت ايدي على خلطة الاخت حور الجنان جزاها الله خير واعتمدتها وصاروا ما يفارقوني الخلطه والفيتامين واستمريت عليهم وانا بيني وبين نفسي كنت احس بالتغيير في شعري بس ماكنت افتحه ولا الفت الانتباه له كان دايما مرفوع لفوق مع العلم ان الكل كان يدري بقصة الفرد اللي قضى على شعري وكانوا يسموني القرعاء الله يسامحهم دنيا واخره المهم حبايبي مالكم بالطويله بعد مرور ثلاث سنوات من العنايه والاهتمام والخلطات الطبيعيه والزيوت الاصليه والفيتامينات المشهود لها بالكفاءة قررت وبتصميم قوي إني أفاجأ الكل غسلت شعري كالعاده واستشورته ولفيته والصباح ذكرت اسم الله وحصنت شعري وفتحته وكانت المفاجأه اللي صعقت الجميع البنت اللي كانوا ينادونها القرعاء











صار شعرها لركبتها
صحه ولمعان وكثافه وحيويه





الكل بطابور المدرسه صار يشاهق وانا أمشي وأمر بين طالباتي بكل ثقه وأذكر الله لأني أدري ان العيون على شعري
مشكله زميلاتي المعلمات المتعلمات الله يهديهم انهم متأكدين ومصممين أني مسويه زراعة شعر مع اني حلفت لهم ان الدعوى توفيق من الله سبحانه وتعالى القادر على كل شي وخلطات حناء وزيوت لكن للاسف ولا وحده فيهم مصدقتني لدرجة ان رفيقة عمري من ايام الدراسه ارسلت لي مسج بالجوال تقلي قولي بأي مستشفى سويتي الزراعه واوعدك محد يدري ولا اعلم احد لاحول ولا قوة الا بالله
المهم حبايبي طولتها وهي قصيره انا ابي اتهنأ بشعري وافرح به ابي افتحه واسرحه واتدلع به لكني خايفه عليه من العين مع اني اتحصن بالاذكار وش تنصحوني فيه ارجع المه مثل ايام زمان والا افتحه والله هو الكافي ابي نصايحكم فديتكم وجزاكم الله خير :27: