اخواتي السعوديات ساعدوني و ما تردوني لو سمحتم ........ربنا يجازيكم الجنه

السلام عليكم و رحمة الله و بركاته

اخواتي السعوديات انا عايزه مساعدتكم و قلت ما في غير اخواتي في منتدي عالم حواء هما اللي ان شاء الله يساعدوني

شوفوا حبيباتي انا عايزه منكم تقولولي علي عناوين لمراكز دعوة الاجانب عندكم لانكم ما شاء الله عليكم احسن بلد تدعوا الي الله , ولازم تكونوا كده بلدكم اطهر بقاع الارض
وكمان عايزه لو اي اخت منكم تعرف مركز دعوه يتبرع بكتب باللغه الانجليزيه و تكون مواضيعها في تعريف الاسلام لغير المسلمين و ان الاسلام ليس دين الارهاب كما يظنواو كتب عن رسولنا الكريم محمد صلي الله عليه و سلم و سيرته المطهره

و لو مافيش مركز يتبرع ممكن نشتريهم لكن اهم حاجه يكون سعرهم رخيص لان احنا عايزين نعمل مكتبه اسلاميه في مدرسه بريطانيه في مصر ,كل العاملين فيها اجانب من امريكا و اوروبا و ما يعرفوا عن الاسلام الا افكار خاطئه تنقلها لهم وسائلهم الاعلاميه و ان الاسلام دين الارهاب
وكمان في طلبه اجانب كتير و غير الاجانب المصريين اللي ما يعرفوا حاجه عن دينهم بسبب بعد اهلهم عن الدين او ان الام نصرانيه و بتحاول انها تخلي اولادها نصاري

علشان كده عايزين نعمل لهم مكتبه اسلاميه باللغه الانجليزيه و طبعا لو طلبنا من المدير انه يشارك في المصاريف ما يرضي لانه بريطاني لكن ان شاء الله يوافق لو ما تكلفت المدرسه شئ

جزي الله خيرا خيرا كل من تساعدني و جعله في صدقه جاريه في ميزان حسناتها

في امان الله