اخواتي العزيزات ابي مساعدتكم ضروري ...؟؟؟

السلام عليكم ورحمه الله وبركاته
يعطيكم العافيه اخواتي على هالمواضيع الجميله بالمنتدى
انا داخله ابي مساعدتكن..
اتا قصتي أني تزوجت من سنه ونص تقريبا وعمري فوق الاربعين .. وزوجي متزوج وعنده اولاد
ومن تزوجت وانا ارغب بالحمل لأني احب الاطفال كثير واتمنى ان احمل طفلي بحضني ..
وكل ماشفت وحده حامل او عندها اطفال يتقطع قلبي وادعي لها ان الله يحفظ لها ماعندها اقول يارب ترزقني عاجلا غير آجل ..
واخذت منشطات وابر تفجير كل شهر كنت اروح لدكاتره من ضمنهم دكتوره تعبتني نفسيا وقالت التبويض عندك ضعيف مره ومافي امل الا بطفل انابيب لكن مااقدر اسويه لان زوجي اصلا رافض فكرة الحمل وبالغصب اقتنع اني احمل طبيعي كل مااقول له عن التلقيح الصناعي او الانابيب يرفض .. يعني هو مو متشفق له مثلي وهذا اللي متعب نفسيتي
رحت لدكاتره وكانو يقولون لي فيه تبويض ويعطوني ابر تفجير ولايصير حمل واخذت اعشاب ورحت لحريم يمرخن وللاسف ولا صار شي .. وكل مره يضيق فيه صدري
وهالشهر تأخرت علي الدورة 10 أيام وكنت متأمله اني حامل لاني كنت ادعي ربي انه يرزقني بأرادته مو ارادة زوجي ولا اي شي ثاني .. كان موعد الدورة ب 7 الشهر واليوم 17 وجاني مغص ونزل سائل لزج معه دم اوله لون وردي بعدين بلون الدم لكن بدون قطع دم زي الدورة اللي كانت تجيني اول .. وجبت مرتين تحليل منزلي وطلع سلبي .. ونفسيتي تعبااااانه والله وابكي بدون مااقول لااحد حتى زوجي مع العلم اني متغربه عن اهلي وكل يوم يسألوني بالذات امي تقول نفسي افرح بحملك ... والآن انا نفسيتي تعبانه مررره
وش ممكن اسوي ألحين ساعدوني ارجوكم
وآسفه على الاطاله ويمكن مافي ترتيب بالكلام بس والله اكتب وانا ابكي وارجف ..
احتاج ردودكن بأسرع وقت ...
وجزاكن الله خير..