اخواتي العزيزات محتاره

استخيروا وبس

الله يهدي لك زوجك

حبيبتي..إذا قدرتي فامنعيـــــــــــــــــــــــــه

حتى لو وصل الى إنكم ماتستقدمون سواق او شغاله

أو روحي معه..وقولي له اروح معك اختار الشغاله كمان

ولاتقولين زوجي ماقرب الحرام وزوجي اثق فيه

لأن مااحد يثق في البعد عن الحرام.والنبي عليه الصلاة والسلام وهو مصطفى من الذنوب كان يقول (اللهم يامقلب القلوب ثبت قلبي على دينك)!!


واحد السلف الصالح قال فيما معنى كلامه (إنه لو وضعوني مع امرأة شديدة القبح مااضمن نفسي!!!)

واندونيسيا معروفه بكثرة اماكن الدعارة فيها!!

حتى اني مرة قرأت لعضو في احد المنتديات..وصف فضاعة مافي اندونيسيا

وقال ان سفرته كانت لماليزيا..لكن لظروف الطائرة وقفت في اندونيسيا

وقال انه ماقدر يصبر فيها يوم واحد..لأن الحرام عندهم (الله يحمينا يارب) منتشر بسهـولــــــــــــــــــــــــــــــــــــــــــه خاصة مع الخليجيين

لأنهم يدفعون الفلوس بسهوله (إلا من رحم الله)

أنا ماابغى اشكك في زوجك..لكن درهم وقاية خير من قنطار علاج

ومن خاف سلم!!


والافضل إنك ماتوافقين على سفر زوجك لوحده مهما كان السبب

حتى لايستسهل السفرة كل شوي بدونك!!

واذا على الاستقدام..فـ بلادنا ماقصرت ومكاتب الاستقدام بالهبــــــــــــل!!

ومو لازم يشوف السواق..احنا نستقدم خدمنا بدون نشوفهم!!


والله ييسر لك امرك ويهدي لك زوجك ويبعده عن الحرام يـــــــــــارب

حاولت اقنعه واقوله انا بعداختار الشغاله يقول لا ابدا ومراح اروح لين ماتوافقين وانا عارفه ان هذا كلام بس علشان اقتنع هوماسكني من اليد الي توجعني لان شغالتيتبي تروح خلاص وانا اقوله قدم بسرعه لاني ماقدر استغني عنها قوليلي طريقه اقدر اقنعه فيها اذاالاستقدام مثلا نفس السعر اذا كنتي تعرفين الصراحه محتاره الله يعين بس

خالى ابو زوجي راح لاندنوسيا في شهر 6 وجلس ثمانية عشر يوما علشان يجيب سواق وخدمه لى وخدمتين له وهذى ماهي اول مره قدراح وجاب وعلى طول جت بس هذي المره تغير الوضع قالوله
اسبوع وتجي طلعوا اعيونا متى جو ماجت لى 16رمضان بعد مانهلقت قالت لزوجي لونا مقدمين على المكتب اصرف نفس طريقه راح تسئلين وش لى تغير وخلهم يتاخرون ثاشيره لماتاخذينه لسفاره سعوديه ترجع لسفاره لاندنوسيه لى في سعودي انضمه وتعقيدات مال امه داعي
ماهي زي اول مسهله وبعدين زوجك الله يصلحه ليش معي عليك انك ماتروحين معه
تبي صدق انا شاك ان خالى تزوج زواج متعه وطلق بس ماقلت لاحد خلى لكلام بيني وبينك

حبيبتي..مافيه فرق بين اسعار الاستقدام واسعار السفر لاختيار الخادمه

والفرق بسيط..وممكن تدفعينه من عندك

وقولي له ان مكاتب الاستقدام..تدرب الخدم والسائقين عندهم..وتعلمهم بعض كلمات اللغه

يعني افضل من انه يروح بنفسه يجيبهم

وبعدين تبغين الصراحه

أنا لاأويدك في استقدام سائق

لأن سلبياته اكثر من ايجابياته

ولاتقولين لي اشغال زوجي وزوجي مايفضى!!

أعرف وحده من يوم تزوجت استقدمت سائق عشان عمل زوجها

وبعدها زوجها اصبح مهمل لها ولأطفاله

حتى انها والله العظيم كانت تسافر مع السواق..وتروح الملاهي مع السواق

والسواق يشيل اطفالها اكثر من الوالد!!

ومره هرب من عندهم السائق ..واضطر الوالد انه يقوم بأعمال بيته

والآن والله العظيــــــــــــم انها ماعاد تحتاج للسائق مثل قبل

لأن زوجها معهم في اغلب الاوقات (بالرغم من صعوبة عمله)

وعلى كثر ماهي حريصه على بناتها..إلا ان السائق حاول التحرش مره بأحد بناتها!!

والله شرهم اكثر من خيرهم

على القليله..قولي له اجل فكرة السائق الآن

واستقدم لنا خادمه فقط

وبعد ماتوصل الخادمه..ممكن تطلبون زوجها يجي..يعني الخادمه تكلم زوجها ويجي بتأشيره سائق

وبكذا مايحتاج يسافر


وترى للمعلوميه فقط..شر السائق وزوجته الخادمه اكثر من شر الخادمه بدون زوجها

وهذا الكلام كله شايفته في واقعي كثيـــــــــــــــــــــــــــر

أتمنى اكون افدتك

لكن بما إنك تقولين ماراح يسافر إلا برضاك

إذن اصري انه يستقدم من المكاتب..ومثل ماقلت قولي له: عشان يعلمونها لغة ويعلمونها الشغل كيف

والله يفرجها عليك