اخواتي القصيميات الي يخليكم ابغى طريقة المصابيب

هلا عزيزتي انا ماني قصيمية لكن اعرف اسوي مصابيب حالية ومالحة العجينة عبارة عن كل كاس دقيق بيضة و3ملاعق حليب بودر في الخلاطمع موية وتصير سايلة جدا طبعا وشوي ملح فية ناس يحطون خميرة اذا تبينها بسرعة لكن طريقتي احطهافي الثلاجة الين بكرة وبعدين صبيها علي صاجة او الة البان كيك واذا تبينها مالحة احمسي بصل وطماط +سمن+بهارات +فلفل حار+كزبراء واذا تبينها حالية حطي زبدة او سمن+عسل وسلامتك:23:

شوفي حبيبتي هذي الطريقة اخذتها من خدامة اهلي يوم جت تروح لان ابوي يحبها مرة قلت اسويها له اذا راحت الشغالة عشان ما يفقدها خخخخخخخخخخخ

بس الحين من زمان ماسويتها لان الوالد توفى الله يرحمه وانا تزوجت ورحت عن اهلي ............... الخ

الزبدة ماصارت هذي طريقة المصابيب

المقادير :
كاس ونصف طحين
ملعقة ونصف خميرة
بيضة
3 ملعقة كبيرة حليب بودرة
فنجال شاي زيت

تخلط جميع المقادير وتصب في الصينية الخاصه (اكيد تعرفيها ) زي حماسة التوست وموجود فيها 6 دوائر منخفضة قليلا تصبين في كل دائرة اللي يملاها لحد ما تتحمر من تحت ثمن تشيلينها بالملغقة وتقلبينها لحد ماتتحمر مع الوجة الثاني ..


وعليكم بالعافية

ام مها...................... معليش توي ارد (عضوه جديدة ماعليه شرهه) هذي الطريقةالوالدة الله يحفظها:::::::::::::::::::: نص كاس ماء + ملح +بياله زيت + بيضة + حليب بوني المركز او اى نوع + طحين حسب الكميه........ الطريقه // الجميع في الخلاط ماعدا الطحين يضاف في الاخير حتى تصبح عجينه سائله ثم تعمل اقراص بتيفال وتدهن بالزبده

ربي يسعدكم يااخواتي زي ما اسعدتوا قلبي ...
اخيرا رديتوا وانا قاعدة الاحق موضوعي ادوره معد لقيته الله لا يعيمنا بالقوة والبحث لقيته بس الحمدلله المهم انكم رديتوا ...
haifaربي يجزاك خير وتسلمين
جنان الفردوس الله يسعدك ان شاء الله بجربها عما قريب ..
حب مستحيل تسلممممممممممممين


كل عام وانتم بخير بمناسبة قرب حلول شهر رمضان المبارك

المصابيب الشعبيه والاصليه مافيها لا خميره ولا بيض لانها عوامل دخيله على الاكلات الشعبيه وما كانت متوفره عندهم من زمان بوفره

المصابيب الاصليه هي :

دقيق بر و ملح وماء بسسس

تعجنين الدقيق لحد ما تتكون عجينه اثقل من عجينة البان كيك واخف من عجينة اللقيمات <<<حليها عاد

وبعدين تتركينها ترتاح لمدة ساعتين وبعدين تصبينها بو اسطة ملعقه في صاج المصابيب واذا احمرت من تحت تقلبينها

واذا جيتي تصبينها لازم يكون الصاج سااااخن واذا صببتيها تقصرين على النار

وممكن تدهنين الساج بمسحة زيت نباتي عشان ما تلصق وممكن انها ما تلصق حتى لو ما دهنتي

واذا استوت حطيها بصحن بحيث تكون مكشوفه وتكوني مسيحه سمنه بلدي او زبده وتبينها عليه وهي حااااره

وممكن تقطعين بصل بحجم صغييير وتحطينها على السمنه بعد ما تسيحيها وهي ساخنه عشان يذبل البصل شوي وتكبينه على المصابيب ...

نسيت اقول انها ما تكون مااالحه ولا خانسه تكون معتدله

واذا عندك اي سؤال انا حاضره



بايوه <<<<< مناسب للمصابيب :)