احنا دايما نجيب اثاث من كوانزو يوصل سليم ما فيه شي واعتقد ٨ايام مو كافيه

اسبوع واحد مو مكفيك
انتي لسا ماتعرفي البلد ولا تعرفي وين اماكن الاثاث الكويس
وبتأثثي 3 ادوار مو غرفة ولا اثنين
من رأيي اما تزيدي المدة او اجليها او انك تركزي على شي معين يعني ماتاخذي كل الاثاث عشان لاتتعرضي للغش سواء في السعر او في الجودة

لاتشيلي هم شدي حيلك وان شاء الله تكفيكي

اهم شئ تكوني مخططة بالورقة والقلم ايش بتشتري وايش محتاجة

ولو رجعتي ماخلصتي كملي من هناا

وبالتوفيق واتمنى تحكيلينا تجربتك بالتفصيل بعد العوودة لأن الموضوع دخل دماغي ^_^

كيب كم يكلف لو شقه 5 غرف وصاله

المدة بأذن الله راح تكفيك في حال كان معاكم مترجم حافظ كوانزو صم مثل اسمه ترى هذا المترجم راح يسهل لكم امور كثيره مررره
شوفي من تجربة ناس اعرفهم
احنا عندنا بجده الاثاث الفخم الراقى كلاسيك ولا مودرن يكلفك مبالغ ارخص شي نقول مثلا الصبان اقل شي المودرن عنده ب 17000 هذا اقل شي وما معاه حاجه ابدا واطقم الكنب عنده مودرن ولا كلاسيك اقل شي 20000 وشفت طقم عنده ب 70000 ولسه باقي طاولات رئيسيه وخدمة واركان واكسسوارات وخرابيط مو بعيده الغرفه كلها على بعضها تكلف 33000-40000
اقل مستوى طاولات طعام من مفروشات العمر وامثاله ب 20000 وطالع

الاخت الى سافرت وفرشت بيتها من الصين والى راح انقل لك تجربتها اول لفت افخم محلات جده طبعا انا عارفه من دون ما تقول لى ان الاسعار مهوله ومافي جودة حتى مفروشات المنزل الى شكله من بره يهوس انا ما دخلته بس هى دخلته الاسعار الكرسي للنفر الواحد ممكن ب 20000 وبرضو تقول لي مافي جودة فتأكدت بعد لفتها هذه ان سفرتها بمحلها وراح تفيدهم
لكن وحطى لكن هذه ببالك
الصين فيها اثاث رخيص قيمته بالريال السعودى ممكن اقل من 10000يعنى ممكن تحصلي قطعه ب 5000 ريال ب 3000 بس هذا ابدا موكويس لانه مو لنا مو موجه لاسواق الخليج هذا عفش الصينين

تبغى اثاث راقى و متعوب عليه وما تكونى خسرتى بسفرتك تشترى افخم شي تحصليه بالصين يعنى مثال

السرير دائري وهو موضه الان قيمته من الصين وهو جودة ممتازة وفخم و انيق ممكن من الصين بكامل قطعه تسريحه دولاب ...الخ من 40000 حتى 60000 هذا مرررره فخم لكن بجده السرير بس لوحده 100000 ريال
يعنى المسأله حطيها ببالك انها نسبه و تناسب
العفش الى بالصين وهو ممتاز وفخم مثلا ب ريال 20000 <<<<<<<<عندنا راح ينباع اقل شي 30000 على حسب اسم المحل كمان

كمان اعطيك مثال
الحرمة هذه الى اعرفها اثاثت من الصين اشترت سرير دائرى مع كامل قطع غرف النوم المعتاده ب 45000 ريال بينما انا بنفسي حصلت السرير الدائري لوحده بس السرير بعمره ديزاين ب 100000 و ب اوبشنز ويعنى مو مره حلو اهبل مقارنة ب السرير الى اشترته من الصين ب 22000 وكمان لوحده

اذا راح تشتري غالى راح تحصلي شبيهه اضعاف مضاعفه حسب شهرة المحل
المكتبات المودرن للشاشات البلازما هسيا عندها وحده حكيتها انى حصلت مكتبات البلازما ب 22000 ريال بالصبان وهيا اشترتها من الصين ارخص من كذا بس والله ما افتكر السعر
وانت عاد و ميزانيتك للتأثيث واذا ربى اراد وسافرتو لازم يكون معاكم دفتر شيكات للعربون او الدفع كاش للعربون ما اعرف بس لازم عاملين حسابكم للعربون
صورى العفش الى اخترتيه
وتقريبا هيا عفشها وصل بعد 3 شهور من السفر
و وصل سليم الحمد لله ونفس الى اختارته من دون اي مشاكل الحمد لله
وبالتوفيق