joy1

joy1 @joy1

محررة

اخواتي المطلقات اعينوني اعانكم الله .. كيف استطيع انساه ؟؟ اعطوني من خبراتكم وادعولي

الأسرة والمجتمع

السلام عليكم ورحمة الله وبركاته

اخواتي جميعاً ارجوا منكم تفيدوني من خبراتكم

الى الآن صار لي 8 اشهر من تطلقت ومو قادرة انساه

اول ما تطلقت او بالاحرى خرجت من بيتي كنت في قمة الراحة والسعادة لكن الان او من فترة اكثر من 4 اشهر حصلت لي انتكاسة

احس ان احساسي مازال يتجدد :(

كل يوم اقول خلاص نسيته اليوم اللي بعده يتجدد حنيني له وعواطفي تجاهه

واتمنى لو التقيه بذهابي وايابي الى عملي

تجيني هفات اني اتمنى اكلمه واتصل عليه على جواله بس ما اسويها

للمعلومية هو اللي اجرى الطلاق دون رغبتي , وبالرغم من الاذى النفسي والجسدي والمالي اللي صابني منه لكن كنت على استعداد لإكمال مشواري معاه .

طلقني بشكل متسرع وخطب اثنتين وعقد على الثانية خلال فقط اسبوعين من طلاقي .

طبعاً يلقي اللزم علي وعلى اخي وهو ماله ذنب .. كلام غير صحيح طبعاً

هو الان تزوج من شهرين وزوجته مسكنها في بيتي ( نعم بيتي مو غلطانة )

وحتى شغالتي اخذها وخلاها تخدم زوجته العاطلة عن العمل

واللي كنت في يوم من الايام لايقبل يدفع لها اي راتب بحجة انه هو ما يبيها وانا اللي ابيها .

احداث كثيرة ما ودي اوجع راسكم فيها

لكن ودي اقول انا كنا في يوم من الايام قمة الرومانسية والحب وطلعت من بيتي وانا كنت اجهز للإحتفال بعيد عقدي .. لكن بدل ان نحتفل اعادني لأهلي مطلقة بدون ذنب .

بتقولون ليش اصيب بمرض نفسي ( اكتئاب ) وصارت عنده مشاكل كثير .. وكان يتعذر انه معمول له سحر .. بالاضافة الى الشيطان لعنة الله عليه .

الآن لاأمل في عودتي له لعدة اسباب :

= انه تزوج , وانا لايمكن اعود له بعد زواجه ..

= انه ما خلى ولا بقى كلام عني , واني سبب في مرضه .. والله يعلم اني مالي دخل في هذا كله .

= انه اكل مالي وحلالي وذهبي وبيتي .. وطلعني على الحديدة ووانا الى يومكم ادفع من راتبي شهرياً لقرض اقترضته في حدود 5000 ريال .

=انه فيه دعوى قضائية عليه في المحكمة انه يعيد حقوقي .

ولذلك اقول لكم لاامل في العودة , ولكني لا املك عواطفي ..

اشلون اقدر انسى عشرة وحب دام 12 سنة .. اشلون اقدر انساه .. انا ادري ما نساني وقبل مايدخل على زوجته كان يقول لولده ياريت امك ترجع وكأني انا اللي برجع نفسي وهو مطلقني ..

مازلت احلم فيه .. ومعظم احلامي اسأله شنو فيها ( اقصد زوجته الحالية ) افضل مني ..:44:

ما اقدر اصرح بمشاعري لأهلي واخواتي ..

ما اقدر اقول اني مازلت احبه

ياااااااااه

الرجل اللي كان في يوم ملكي وحياتي وابو عيالي .. الحين ما اقدر اشوفه واخفي مشاعري اللي احسهم تجاهه .

والله الامر مو سهل .

تستغربون لو قلت لكم ان لو جاني واحد ولد حلال بفكر ارتبط فيه .. ومن بداية خروجي من البيت مو مستبعدة الفكرة ..

لكن مشاعري وما ادراكم ما مشاعري

ارجوكم خواتي صاحبات الخبرة لاتبخلون علي بنصايحكم ..

اشلون انساه علموني اشلون انساه ؟؟

ومتى نسيتوا ازواجكم السابقين ؟؟

اختكم جوي
154
14K

هذا الموضوع مغلق.

( زينة )
( زينة )
حبيبتي لازم تبتدين حيااة جديدة وتنسين الماااضي

وافتحي مع نفسك صفحة جديدة

وهذا اللي ربي كاتبة لك

والله يعووضك خير
joy1
joy1
حبيبتي لازم تبتدين حيااة جديدة وتنسين الماااضي وافتحي مع نفسك صفحة جديدة وهذا اللي ربي كاتبة لك والله يعووضك خير
حبيبتي لازم تبتدين حيااة جديدة وتنسين الماااضي وافتحي مع نفسك صفحة جديدة وهذا اللي ربي...
مشكلتي اني احاول وكل يوم احاول اكثر لعلي انساه

ما ادري اشلوون ؟؟
حلمي أكون داعية
الله يصبرك والله حاسة فيكي

اختي اكثري من الاستغفار واقراي سورة البقرة لعل الله يفرج همك
joy1
joy1
الله يصبرك والله حاسة فيكي اختي اكثري من الاستغفار واقراي سورة البقرة لعل الله يفرج همك
الله يصبرك والله حاسة فيكي اختي اكثري من الاستغفار واقراي سورة البقرة لعل الله يفرج همك
ياااااارب

يااااارب

يارب يفرج همي وهم كل مهموم

الف شكر اختي الغالية
حبيبة عـــــادل
والله اني حاسه فيييييييك
بس شوفي خلي املك بالله كبير ودائما ادعي في صلاتك ان ربي يصلح ما بينكم
ويجمعك فيه في عاجلا غير اجل
لا تتركين الدعااااء ابدا
يا اختي انتي عندك اطفال منه ولا زلتي تحبينه
لا تتركين الدعاء مهما صار
ادعي انه يرجعلك
بس اهم شيء صفي نيتك ولا تدعين على زوجته او انها تطلق عشان ترجعين
لا ادعي ان ربي يجمعك فيه وبس
يمكن سبحان الله مايتفق مع زوجته الثانيه ويبدأ يحن ويتذكرك ويفكر يرجعك
والله العظيم اعرف وحده وصل موضوع طلاقها للمحكمه
وكلااااام واشاعات وطبعا زوجها تزوج وكان مبسوط وهي مسكينه نفس حالتك ماقدرت تنساه ابدا
رغم كل شيء صار بينهم الا ان حبه لسه في قلبها
وجلس متزوج 6 سنوات وهي بس تدعي ان ربي يصلح الاحوال
وان ربي يصلح ما بينهم وينسيهم كل شيء صار في المحكمه
ويصلح علاقتها بأهله ويصلح علاقته بأ هلها كانت دائما تدعي بذا الشكل
وسبحان الله سبحان الله
رجعلها احسن من اووووول يحبها اكثررررر من اووووووول
وكأن هذا الفراق اللي دام 6 سنوات كان امتحان وابتلاء لهم عشان كل واحد يعرف قيمة الثاني
صدقيني طالما فيه بينكم حب كبيررررررررر
الحب ذا باستطاعته ينسيك اي جرررح او اي ذكرى مؤلمه